八點幾起身放狗，阿C去整早餐。

食完早餐就玩狗，佢都真係精力充沛，玩極都唔會累，我就唔得喇，玩咗一陣就頂唔緊，繼續瞓覺(其實只係眼瞓)。

瞓到十二點幾，起身沖個涼換件衫，走人! 因為要返屋企執房，所以我有我返上水，佢有佢返觀塘。

返到屋企二點幾到啦，就開始執房，大約執咗二個鐘到啦，終於都攪掂哂，好耐都無見過間房咁整齊，感覺好舒服。

跟住就等阿嬸佢地過嚟食團年飯，今晚就好餸囉 : 雞包翅、鮑魚、海參、花膠、魚、雞、菜、髮菜毫豉冬菇、羊扒...... 多到不得了。

食完飯，沖個涼就出去打牌，估都估唔到唔使一圈已經輸哂成個櫃桶既籌碼。痴線!! 全晚有得叫就無得食，求碰不得，求上不能，第一圈輸到第八圈。打到五點幾先走，走既時候重要落大雨喎。唉~~~

返到屋企成六點幾，瞓得已經七點。