今日又放假，約咗阿C去踩單車，佢一早入咗上水比咗D嘢我先，跟住我地去食早餐，食完就去大埔租單車。而家都要成$60全日，好耐無踩，都唔知平定貴。

我地沿住吐露港踩出沙田，全條路都唔同哂，真係同以前完全唔同。大約一個鐘頭到啦，已經踩到出沙田，我地就去肯德基買嘢去公園食。食完嘢就開始回程，唔知係咪好耐無踩呢，個"籮友"好痛呀! 踩到大埔都已經四點，我地就踩咗去大埔海濱公園，入到去見到好多人放風箏，我地都落車睇咗一陣。之後再四圍踩多一陣就還車LU~~

之後去咗買零食，買完就搭車返上水。因為阿C今晚約咗人食飯，所以坐再一陣就走LU~~我送佢搭火車，跟住就去咗同阿謙、蕾打邊爐。