今日就勁喇~~~~首先十點起身，打埋比阿佳、謙叫佢地起身。之後就沖返個涼，換件衫就出門口。

大約十一點到，就約埋阿謙、佳係火車站等。一落到月台既時候：由於粉嶺火車站有人比火車撞到，所以往火東方向既列車將受到影響，不便之處，敬請原諒!!

搭咗差唔多一個鐘先出到沙田，我地就先去戲院買飛睇"霍元甲"，買完飛我地就去GREEN BOX做歌神。

一入到房，我地咩都唔理，嗌嘢食。跟住我地既演出就正式開始，今日主要都係以舊歌為主。其中最精彩既一幕係........阿佳唱"勁歌金曲"既時候，每一次到佢唱嗰段都......"中"呀!!! 唱咗兩個鐘到，係時候走喇，到最後我演繹"命硬"嚟完結呢個節目，可以話係實力之作。

跟住就"呵呵哈嘿~我就是霍元甲"。

睇完去咗KCF食嘢，跟住上CITY SUPER搵嘢，但係搵唔到!!

之後就各散東西，我去尖沙咀搵阿C。同佢行咗一陣、打咗陣機、食咗少少嘢，跟住就去九龍公園打波。

打完都係9點，我地就落咗旺角行一陣，跟住就送佢返屋企。