話說尋晚攪到成4點先有得瞓，咁我今日又會點呢???

到六點既時候，我發覺己經個個都起哂身，只得一個人重瞓緊，咁即係要我起身啦，好!! 刷完牙洗完面返返入房，其中一個肥仔同我講:"我唔見咗條運動褲呀!!" 我就梗係見佢搵清楚啦，同時我都幫佢去沖涼房搵，但係都搵唔到，我返入房見到佢打緊game boy喎，我意為佢搵到啦，點知重見住佢著住條睡褲喎。死肥仔，掛住打機。到最後原來佢尋晚留咗係沖涼房比第二個阿sir執咗。算你大命!!

都未食早餐，兩個肥仔就已經走嚟問:"食完早餐可唔可以去買嘢食?" 答:"食完先算啦!!" 食完早餐阿miss話唔比佢地買，佢地即刻講:"唔梗要，一陣先食晏先買~" 吹脹!! 跟住就係今日既第一個活動~~~

"蜘蛛網" ~ 點玩係度就唔多講，總括嚟講......呢個係咁多個活動入面我覺得最好既一個。好講團體合作，唔知我地成班friends去玩又玩唔玩到呢? 好快就到第二個活動~~~~

個名係咩已經唔記得咗，總括嚟講......各自去搵唔同既人，一人印個手掌上去。我從來都未試過咁受歡迎~

跟住大家就返房執嘢，準備食晏。無錯又到咗食晏既時候，我好自然又會聽到一句說話，我仍然係答佢，食完話你知丫~~ 估都估唔到今餐大家都好快就食完哂所有既嘢，咁我都準佢地出去買食，但係我點都估唔到佢地兩個會走去買兩隻大雞脾返食~~  算啦，反正都要走啦。食完嘢，大家就執埋d嘢搭車走lu~~~

返到學校1點30到，我約咗阿C係油塘地鐵站等，我同佢去咗寶琳行街，因為嗰度近油塘。行完寶琳我地就落咗灣仔行街，我地去咗睇玩具，跟住就去188買GAME"嗶波猴學苑2" 哈~~好玩呀!!!

跟住我地就返觀塘食嘢，食完就送佢返屋企LU~~

呢兩日我真係好.........