24 ~ 已經過咗24次生日。23至24歲呢一年發生咗好多事，有好多嘢都改變咗......一年前既我估唔到一年後會變成咁~ 但係無論點都好，生活都係一樣咁過，我依然係我!!

今日約咗阿C12點半到係旺角等，我地去咗食晏，食完行咗一陣街，跟住就入迪士尼。

今日天氣好差，好大霧，成日都落住雨。大約三點到，我地到咗迪士尼......個門口。好大霧，咩都睇唔到。跟住就行去酒店，大約十分鐘到就會行到去。但係並唔係我地住嗰間，因為唔識路既關係，所以我地都係搭車去。

去到酒店，阿C就CHECK IN，我就四圍行，都幾靚喎。上到房，都唔算好大，正常SIZE，但係D裝修就唔錯。

安頓好之後，我地就落去四圍行下，可能係閒日既關係啦，都無咩人。我地玩咗一陣，影下相咁。最後決定去青衣行街。

其實青衣都無咩行，咪又得個青衣城。我地咪係青衣城行街、食飯、重差D睇埋戲。行到9點到就返迪士尼LU~~~