我 我唔能夠再忍受啦
真係好辛苦呀
忍得真係好辛苦
我真係好掛住你呀
點解 點解 點解?!
我做既係好事定壞事
我為左唔想阻礙你既社工作
我為左比你完全投入你既學園生活
我為左唔想影響你既學業
我一直都盡力比最大既空間你
我每次想你..我每次想哭..我每次你陪我
我都..我都怕阻住你
一直都唔敢同你講太耐電話
我怕你會有野做都同我傾
但係同時間 我發覺因為呢個原故
我地之間既距離愈來愈大
大得令我開始怕
我好怕因為我地太太太少見面
而且完全好似冇談心 完全冇交流
我會令你既心寂寞空虛
我真係完全明白雪藏愛情既道理
我都知當你覺得我地既愛情太虛無
你就唔會再呃自己 唔會再呃我
你會好恨心咁提出分手
咁一切一切我都好明白
但係我..係我..
係我自以為可以等到你開學既事都做好之後
我可以用盡我既努力完完全全填補你既內心
我自大 我自以為我能夠做到
我一直等一直等
等你有時間 有你既自由時間
我諗左好多野 好多野
想係果一刻過後..為你做..

但係我真係等得好唔耐煩
我愈等愈驚
我驚我未等到果日
你就已經心死..
我真係好矛盾..
我個心真係亂到冇辦法再正常生活
我無時無刻都想你
我好想為你做少少野
但係每當我想陪你 留係你既身邊
你都總係比我好差既感覺
好似唔想比我接近你
我真係好驚呀
你究竟係唔係唔愛我啦
我要問清楚你
我要問清楚...