今日一早就去左學校舉行的探望獨居老人活動,果個活動10點要返到學校,不過我成9點3先起身,一起身我就去左開電腦,睇下有冇人開同打俾我個女朋友!!!

同佢傾左陣電話,就出左去返學,返到學校d老師分組,又聽左神父同校長的講話,伍華小學的校長佢個分享係用唱歌唱比我地聽,佢唱果d歌,我地都唔識,聽到我地係到笑!!!!!!

我個組,同兩個家長和一個中二同我,有一個家長我都識,個個就係肥成個阿媽,每組探望兩間獨居老人的屋企,剛剛好探望兩個獨居老人的屋企都係在肥成的屋企上面,好方便!!!探望完兩個獨居老人的屋企,我的感受好多,果個伯伯多才多藝,例如:有識打太極,又唱歌,又識二胡,真係完全唔係一個獨居老人咁,佢的時間用得真係好!!!另外一個婆婆佢就慘d啦,因為佢隻腳有d唔好又要食止痛藥,佢屋企人又唔係好利佢,佢個口就話唔曬佢地利,不過佢個心其實好想多d人探望佢照顧佢!!!!!!!!!

2點幾就去左寶琳同個女朋友補數學,和行街街,都幾開心,我見佢拿住一個袋,我就問佢拿得累唔累呀我要唔要幫你拿呀?佢就話累呀,不過唔洗你幫我拿呀,我就覺得佢好唔好意思咁,因為佢累我幫佢拿都唔洗幫,我真係好意思,然後我地行到累,就去左佢屋企樓下個公園坐,傾左一陣,我就問佢可唔可以攬住佢隻手,佢就話可以,不過我覺得佢好似唔好意思咁,我攬住佢隻手果時好舒服呀,有種感覺係我第一次有的,不過唔知咩感覺喔,我好開心呀,坐左大半個鐘佢先上去返屋企食飯!!

然後我都返左屋企,然後問阿媽幾時出去食飯,佢就立刻同我講,我要清潔左個廚房先出去食飯呀,所以我出左去踢波,我踢到11點到,就同d fd去左食飯,然後返屋企,同fd就同我講,我阿媽唔係到,成班fd去佢屋企玩,我就話唔得,不過佢話成班去好玩d,佢就同我一齊返屋企同我阿媽講,我阿媽第一時間係唔比,不過我個fd講幾次就比啦,所以就去左啦!!!!!!!

我地玩PS2,電腦同打麻雀,我玩到3點幾果時真係唔得啦,因為今日全日都出左去,依家又玩到成3點幾,所以我係第一個上床訓啦!!!!!!