今日下午同左牙珊去吉之島，首先我陪佢去書局買數學書，我地諗住本數學暑期作業會有答案嫁∼點知....我同佢係咁揭，係咁揭都冇呀∼原本今年本數學暑期作業係冇答案嫁，真係可憐呀!!!
之後我地就去左影貼紙相，我地要影個部機好多人呀∼所以我地等左大約10分鐘先有得影，今次我地都影得幾好，到目前為止，今次係影得最好既一次呀∼本來我地諗住post上去riva個論壇到嫁 ,但係就因為技術上既問題,所以暫時唔可以post住。之後我地去左Ｍ記到買野食，食完之後就返屋企la。

今日10點幾起左身，之後就食野同埋睇電視，我係咁流鼻水，我就以為係鼻敏感發作啦，所以就唔理佢。之後阿媽叫我落街買餸，買完之後就食飯。之後再做小小暑期功課，但係我由今朝到依家都係咁流鼻水，仲有Ｄ頭暈添!!!所以我食左一粒藥,再訓返一陣,依家就好返好多喇~

今日我要比其他人更早返學校，因為我要返去進行一Ｄ頒獎既彩排，我囉左一個唔知咩既閱讀獎。結業禮開始了，我地係咁聽Ｄ主任講野同埋祈禱，真係好悶呀!!頒獎開始了，唔多唔少都有Ｄ緊張，畢竟都係第一次係呢間學校到上台囉獎ma，緊張我覺得係一Ｄ都唔出奇嫁!!!我上台既時候，本身係一Ｄ都唔緊張既，但係我一見到台下Ｄ人係到講ng，同埋話我企係某某人既隔離既時候，就超 尷尬啊，連影相既時候都唔識笑呀∼某某人都講左已經係過去式嫁啦。

結業禮完左之後，就係派成績表既時候了，我超驚呀∼　派左了!!!我衰左呀∼我第一個感覺就係好想好想有一個人可以比我攬住佢喊，但係我唔想比人見到我喊，所以我只係表現左我唔開心既一面，但係就唔可以喊。如果唔開心都要忍既話，我諗我真係會好辛苦囉∼

我真係唔知有幾多人會明白我既感受，我只能夠獨自面對難受既痛楚......