有時覺得自己好奇怪

以前總係冷血 要自己動真情的確好難

而家總係深情 要自己冷血無情更加難

雖然話人會變 月會圓 但係都無可能咁極端ka= =

連續兩日都差d心軟= =好癈!!!好險!!!

呢五年幾 時間唔算長 但原來已經起了大變革

無聲無色咁由一隻無腳既雀仔

變到一個甘願為自己另一半默默付出既人

由一個愛多姿多彩生活既人

變到甘於平淡

由一個沒有淚水的人

變到熱淚盈眶

o係兄弟們既眼中 我已經唔再係毫無感情

但係o係自己眼中 自己已經變得不堪一擊

以前o個個不知天高地厚既自己去左邊

可能經歷左咁多風風雨雨 都有想回家的一天

玩夠了 自以為事夠了 心高氣傲夠了

係時候要鳥倦知返了

呢五年幾 係我自覺成長得最快既時間

起起跌跌 上過高峰 亦跌過谷底

當年的傲氣 已被消磨得一乾二淨

隨之而來是得到安祥

安祥得有點令旁人覺得這個到底是不是我

體會最深既別無他人 一定係阿諾

兩兄弟齊齊溝女 齊齊失去 齊齊遺憾

齊齊迷失 好不容易撐到今日

中間既齊上齊落 大部份人成世都未必感受到

到左今日 我終於累了 但反而你才剛展翅高飛

但願你不會迷失在我曾經迷失既世界

請別擔心 這次換我為你作導航

放心去吧 我會是你最強的後盾

盡情去展示自己應有的光芒吧