今晚大口收工同我講左一d野

令到我突然明白

點解自從上年四月離開銀龍之後

番親工都好似無咩上進心

得過且過算 今日我好似估到自己點解會咁

佢同我講

阿銀你唔係唔得 做野仲拍得住我

不過唔知點解你好多時都唔會去盡

只係會偶然爆發 你既手門唔淨係七千五呢個價

可以叫到八千五以上(樓面計)

諗深一層 自己都覺得而家做野冇以前跟住神峰果陣咁盡力

可能係因為自從經歷完果次之後

再唔想俾人無理阻止自己升職

個情況就好似明明自己考試有一百分

因為個老師唔妥你 夾硬話你唔合格咁

當時個個都覺得我夠晒料升主任

就只係個仆街經理傻西昌覺得我唔係佢d人

將我升職件事一拖再拖

可能自從經歷完呢件事後就怕了博升職

寧願咩人工就交咩功課算

但心底裡仍很想去升主任這個位置

緃使不在銀龍 神峰不是我上司

而家要做既事 就係要克服呢個心魔

令到自己可以變番以前咁有熱誠

我不要自己再次一無所有地離開∼