夜晚同小信,阿昌,阿然,細佬,阿豪

o係消防局果個場踢波

今晚仲唔輪到我打前鋒

但係打左成晚得兩球差d入

把握力好差/_\

十點幾果陣有陣風吹埋黎好似冷氣咁

超正 點知十一點球場熄燈冇耐就落大雨

走左去巴士站避雨 諗住場雨落一陣就停ka啦

點知阿豪同細佬上左車都未停雨

最後決定四條友飛單車返逸東

返到去就變左四隻落湯雞 哈哈

扭計無非想妳關心我更多!!!

今日兩點幾吉吉打黎叫醒我

點知收左線之後又訓番

訓左兩三個字就醒左

即刻沖左去沖涼換衫

去到佢樓下差唔多四點半

同佢行落大窩口食野

d人囉...又唔食野囉>.<"

到最尾當然係正義既一方(o者係我)贏啦

仲要個伙計讚我對佢好^^"梗係啦 唔對佢好對邊個好

d野食黎晒有人又掛住飲野唔食野

要我拎走杯野先肯乖乖地咁食

食完坐左陣就去左接細細粒上球場

有人終於冇俾蚊咬喇

梗係啦 平時叫妳地大圍坐又唔制

係都要坐o係草叢邊 唔咬妳咬邊個

今日表現好差 覺得自己傳球差同失位多

今日俾自己3分 評語係

搶點不準 甩漏過多

要好好操練 令自己進步

我要成為一個可靠既閘位/翼鋒

八月去梅窩玩3日2夜 好期待

我一定會幫妳搞好呢次生日的>3<

唔知妳生日之前阿B會唔會番到黎呢>.<?

妳不放下我 我不放下妳

我想確定每日挽住同樣的手臂

不敢早死要來陪住妳

我已試夠別離並不很淒美

我還如何撇下妳

今日吉吉同細細粒入左黎東涌

阿昌同細細粒去左買野飲

佢地兩個o係七仔同阿波羅搞左成半個鐘

最尾都係買左兩杯雪糕= =之後去左座山仔行山

行到上山頂個亭度坐左陣

好好風 好舒服

後尾落左舊碼頭坐

好想跳落水游丫

番去逸東果陣睇住阿昌同細細粒行路個背影

有d老夫老妻既feel 哈哈XD

後尾去完好悅食野就上左我屋企睇碟

今日雖然望落好無聊 但實際上真係好開心

唯一美中不足係阿B仲未搵番/_\

阿B究竟去左邊丫T_T快d番黎啦

豬女都好掛住你丫>.<"

今日天朗氣清 但點解看在我眼中

卻是灰色的?唔通我有色盲

本應開心的一天卻成了灰色的一天

裝傻裝瘋裝笑是我強項

今天卻什麼也裝不出來 令妳唔開心

請原諒我的失準 我的脫線 我的自私

我愛的人 對不起

心心相印又如何

灰色感覺未減退

意猶未盡又如何

冷風陪伴孤獨心

難道要彼此再錯過一次嗎?

阿B失蹤後的第一天

音訊全無 你幾時先番黎丫

好掛住你丫 你唔o係度好唔慣丫

你快d番黎啦T_T

放狗果陣阿B唔知走左去邊

搵左成晚都搵唔到丫

阿B你究竟去左邊丫

快d番黎啦T_T