番埋今日就要等到9月1日先可以返學,有d唔開心添

今日玩遊戲no.1,win左,好開心  一時開心,一時唔開心^^

three two one fire 又到左keroro啦~

今日既keroro開始個陣時,係講仲有幾日就到日向夏美大人生日(12月x日),keroro知道左之後,就開始準備啦,桃華係法國運左個birthday cake比夏美。keroro整完之後,冬樹覺得好似幼稚園d生日會咁~

夏美返屋企覺得好吵,所以就搵傻瓜青蛙(KERORO)佢地啦,但係又唔見人喎。到左夏美大人生日個日啦,KERORO小隊各就各備,等夏美大人放學返屋企,點知,夏美放學之後冇返屋企喎,因為去左同學屋企。由於KERORO既堅持,等埋夏美先食晚飯,當夏美返屋企個陣好開心,成個BIRTHDAY PARTY都唔見GIRORO,忽然GIRORO係房間走左出黎,佢攞住宇宙既珍品送比夏美。但由於太重傷,所以暈左,但係夏美非常關心GIRORO,我諗GIRORO都會好開心姐~

今日返學個陣時,我集隊個陣,好D唔舒服,我坐左係張CHAIN(唔知有冇串錯)度,有一個阿SIR話陣間黎睇我,點知兩個鐘頭都冇黎,我就坐左係個度兩個鐘頭,冇上堂,又悶到死。

今集既KERORO軍曹係講冬樹抽獎抽到一等獎,即係3人+1人既溫泉招待。(其實係桃華故意做成既。)冬樹,佢家姐,佢媽媽,仲有一個名額,小雪同桃華都好想同佢地一齊浸溫泉,於是佢地係度比試,邊個WIN就可以去(KURURU既意見),比試緊既時候,竟然燒左。冬樹既媽媽補番哂,不單止小雪同桃華可以去,連KERORO小隊都可以去,總共用左$15,000,000,000呀!!!

仲有一個係講冬樹返學校補課既時候,見到一條未去過既行人徑,係屋企既KERORO打爛左夏美大人隻杯,佢諗住走佬,點知飛船冇oil,落左係冬樹行個條行人徑度。佢地一齊行,行行下,冬樹見到好多野,有:佢細細個去既restaurant,佢細細個去既飛髮鋪......冬樹仲同keroro講:「不如我地下次一齊黎散步呀!」

因為聽日要返學,但係我又唔係好識路喎,所以今日我同我工人一齊去左鄧中一次,而家好熟啦!我今日成日都好想快d到聽日,快d返學

我中文既功課做哂啦,好開心呀

今日既keroro軍曹係講keroro諗住用動畫去侵略藍星(地球),但係keroro用左三個鐘頭都寫唔到200字x60張既台詞,於是佢地去左媽媽大人既公司,搵可以輕鬆製造動畫既方法,但係搵唔到,侵略計畫當然自告失敗啦

仲有兩日就返學啦,真係好期待呀!

今日冇返廠,係屋企用psp玩三國無雙,用甘寧既時侯,幾次都死左,用孫權打,但係又死左一次,好似永遠都打唔到咁

補習個陣時,做左好少功課,做左三頁左右啦

今日keroro軍曹係講招募動物加入keroro小隊,但係一個都收唔到。仲有一個係講giroro想送一個用松果做既護身符,但係就唔知點講好,應該係唔夠膽掛

我睇完就打左呢篇日記啦

今日個dinner有湯,魚,魚香茄子,仲有d唔知咩瓜,食得超快,我食完個陣時我阿爸先開始食,食到我好飽

琴晚,3點幾起左身睇電視,睇左一陣又訓返覺,令到我朝早十點幾先起身,好彩我媽咪未走

我朝早同我阿媽阿爸行街,佢地諗住行完屯門之後,去荃灣行,但係只係去左買電話,又唔係買比我

買完就去左唔知邊度買seafood,買左六百幾蚊,食到我超飽

                                    今日大致天晴

今日唔係第一日開呢個日記版,係琴日開嫁,但係琴日去左我伯伯屋企,so冇寫日記囉

我今日係度諗，暑假仲有半個月，暑期功課都做左ninety(90)%啦，應該可以唔洗返我阿爸間工廠掛，點知...都係要返工廠><

我阿媽之前話去澳門,唔知係咪真呢,如果係既話就好啦

lunch食左超少野,但係又唔肚餓喎,真奇怪

我有一個好奇怪既習慣，講你都唔信，就係穿珠仔啦，估唔到呢？我今日仲穿左隻狗仔，用餘一粒珠仔