http://img81.imageshack.us/img81/5195/charlesgh4.png

岩岩無啦啦又開多個xanga , 唔知點解想用 , 想搵番以前d朋友仔

岩岩去左個同學的xanga , 原來係舊既 , 見到一大堆字 , 唔知係咪話我呢? 不過諗番好多野 ,

今日又遲左小小呢 , lunch牙姨問我拎左票未 , 我問拎咩票 , 佢話出糧 , 我O哂咀 , 乜唔係10月1出咩@@? 我反而想快d拎 , 唔知點解好想即刻俾錢俾媽媽 , 唔知老豆幾時番黎 , 去左馬交 , 唔知點解 , 好想請你食飯, 番黎一齊食飯啦.. 琴日起度諗 , 我想買部車 , 10萬8萬 , 唔知要儲幾多年 -.-.. shit!

岩岩睇番信義同學d xanga , 無啦啦好掛住信義果陣 , 雖然有開心有唔開心 (最深刻係遲到都要停課,shit!) , 但係都幾想番番去 , 中三 , 又諗起果件事 , 果陣好特別 , 好似唔覺唔覺又1年 , 果陣日日都好驚喜 , 又喜又痛..

人越大 , 越覺得冇野係必然的 , 幸福必然的嗎? 爸媽俾錢你必然的? 情人愛你必然的? 不...只有爸媽疼愛才是必然的 , 身上Levi's , LV要黎有乜用? 幾十蚊又一條褲 , 幾百蚊又一條褲 , 死左又帶唔走 , 買咁貴做乜? 日日起身番工放工訓教 , 365日係咁循環 , 又為乜? 為左俾錢屋企? 不過算 , 開心過就夠了...

好野 , 4點幾有條女過黎俾左張支票我 , 4點10 , 我冒住生命危險落去拎錢 , 個戶口有$5220 , 俾$2500媽媽...

今朝有野搞 , 所以遲左少少…

lunch去左銀行入錢 , 唔係多人 , 但開得兩個counter , 排左成4、5個字 , pk..

今晚約左慈慈公公婆婆打邊爐 , 嚴格黎講係我請佢地打邊爐

正呀 , 天氣開始轉凍 , 不過話咁快又冬天拿?

唔係好慣冇左部PSP..

哈哈 , 甩手喇 , 本來 $1679買番黎 , e+ $1300放出去 , 蝕少少 , 遲少少放渣都冇 ,    

香港銅鑼灣軒尼詩道555號祟光百貨三樓
香港銅鑼灣告士打道310號一樓106號鋪

原來得e兩間野賣ge Porter 先係日版 , 其他賣ge全部係台版 , 得下出左糧點先..

http://hk.f1.page.auctions.yahoo.com/hk/show/qanda?aID=1112772133

希望快撚d成交 -.-v

今日我終於遲走過佢地了 , 牙姨同Sindy一早走左 , 跟住Fion同Sue 3點2走左 , 我e+都未走 , 上緊網 =.=