唉. 岩岩講左啲好hunt牙哥既說話.
牙哥近排成日同d網fd傾電話.
唔知點解我好大反應講左句:「同呢啲人傾咁多做乜牙.晒時間.
人地唔會同你講心架.你唔好擺晒成副心機落去啦.
你試下俾張相人地睇.睇下佢仲會唔會理你?!
呢啲人個個都睇樣架啦.靜係鍾意啲mk仔架咋.」
唉. 牙哥個樣傻下傻下咁.好似乜都唔識.
同佢出過幾次街.都傻下傻下.勁易俾人呃.
我都唔想好似個家姐咁成日管佢.但我控制唔到!
牙哥好少出街.又對人好好.好易相信人.
如果真係讀唔到中六點算:( 出去做野仲擔心:(

聽日就係媽媽節.
由上年開始.已經對我無意義.
就算我幾費盡心思.準備禮物牙.想同媽媽慶祝牙.等等.都係廢.
只要牙哥開口同媽媽講一句母親節快樂.媽媽就會超級開心.
開心到當我透明咁.然而我所做既一切.都比唔上牙哥既一句說話.
今年.本身想同媽媽慶祝.我同媽媽講:「不如聽日去飲荼」
「飲咩荼牙.晒錢.」望都唔望我.媽媽寧願聽日去打牌.
我相信.如果係牙哥講呢一番話.佢一定會扑過去.
琴日媽媽同fd去行街.又買衫俾牙哥.
我話:「你次次行街都買衫俾牙哥.我又要牙.」佢:「你唔好嘈啦.」
諗番起.牙媽無出過一分錢係我身上.(除左書簿費同校服)

講真.對呢個屋企一點感覺都無.除左對牙哥之外.
真係好想快啲大個.有錢養自己.買間屋可以同牙哥一齊住就好.
雖然有時好憎牙哥.好憎牙哥有牙媽鍚.
但每次當牙哥鍚番我既時候.我就突然之間會好愛佢.

真係好想快啲有好多好多錢。