由於尋日朝"浸"唔到水,大家都有d心心不忿

結果今朝我地決定個行程同尋日一樣

食飽飽就出發,好耐都冇去過泳池lu

一去到我地就去左按摩池浸下水

浸到咁上下就去左另一個有兒童滑梯既泳池

本身都好有個衝動玩下,但成個場實在太少人啦

攪到我唔係咁敢玩....浸到11點3就去沖涼

然之後去接兩只嘩鬼放學....食埋晏上左佢地屋企

諗住一齊訓一陣等冇咁曬先落街打羽毛球

點知我好唔好彩編埋同兩只嘩鬼一間房

我就好似一只人肉公仔咁比只豬頭丙玩足粒幾鐘

攪到最後都係冇訓到...............................

差唔多5點就落左樓下打波,打左成個鐘突然落雨

所以就冇再打落去,轉左去街市買餸

買完野d雨又停鬼哂....到7點左右我地又落過去打

跟住男朋友過左黎搵我...不過佢變左做企鵝打唔到羽毛球

打到中段我重唔小心整爛拖鞋...

攪到要阿恩返上樓拎對拖鞋比我著,好彩大家size差唔多啫^^

最後打左差唔多2hrs,二佬都放埋工返到黎我都唔預走

捉住二佬同我玩左陣先返上樓(其實都唔係太願走)

等埋謠謠沖埋涼就"的"埋佢返屋企啦

今日過得非常"充實"重好鬼滿足