之前有朋友話niji bistro唔錯，所以一直都想試下，去過尖沙咀海港城嗰間，但係要排隊而放棄咗~~終於有機會食佢！！

可能係因為中環分店夜晚冇乜人嘅關係，地方算闊落，個環境其實幾唔錯，而且差唔多一個侍應服務2枱客，唔會存在冇人理你的狀態（這是優點嗎？）。

溫泉蛋真係算係咁，有流心，帶著少少醬油味。

熔岩奄列配牛油梨芫荽北海道帶子飯伴香辣蕃茄爆汁，個名有成23個字，聽到都覺得好似好勁咁。但係為咗要爆，個蛋放咗太多忌廉/奶，搞到好稀同冇乜蛋味；香辣蕃茄爆汁唔知點解係甜嘅，有少少似甜椒，同好味一d關係都冇；最正常係個炒飯，真係有彼多牛油果及帶子，不過，感覺上落咗唔少油，食多两啖就濟！試新嘢一向都係有風險嘅！

好似叫紅桑子白朱古力摩絲，切開前仲好樣d，味道唔算差，但又講唔上話好，比較甜的白朱古力，中間有d酸，但完成唔值嗰個價==’’

可能我對佢期望太高嘅關係，所以有失望嘅感覺。