基本上小妹是好鐘意吃零食的人，仲尤其鐘意新嘢，所以去親日本都會好努力地食，分享下這次試了的零食（有一些冇影就無能為力了），等大家可以參考一下，免得浪費胃容量！！

雪糕篇

我每次去都係博命，冬天只有-幾度，我要穿2件羽絨先夠的情況下（好誇張吧，但我好似越大越怕冷），我同我家姐每天平均食4樣，絕對算得上用生命在食雪糕，究竟香港幾時先會有期間限定？？

Häagen-Dazs期間限定和栗雪糕：好正常，有栗子茸，鐘意栗子可以一試

Häagen-Dazs期間限定朱古力橙雪糕三文治：d朱古力係dark chocolate，這個可以接受，但d雪糕有藥味，整個怪怪的，不試也罷！！

見到Royce都有雪條，仲出了3隻味， 猜猜我會買哪一個味道！？

最後揀咗士多啤梨味，冇計，個樣最靚，以為冇死啦。。。點知，都好伏吓，雪糕麻麻也不要預計有流心，最灰係脆皮入面d杏仁係生嘅，都幾唔好食吓。

好彩一齊買嘅Häagen-Dazs藍莓芝士餅雪糕批是驚喜之作，雪糕真係有d芝士味，中間有點藍莓醬，最細心係脆皮入面有疑似消化餅物體，絕對值得一試~~

Häagen-Dazs期間限定南瓜雪糕：又一比想象中正常之作，又係有疑似南瓜茸在裡面，個人覺得唔似南瓜味，似番薯。。。

Meiji香蕉雪條：呢個同小時候吃的香蕉先生都幾似，但因為香蕉味比較濃，所以個人覺得比那個好食~~鐘意食香蕉先生應該會鐘意呢個！！

Häagen-Dazs期間限定vanilla cookies raspberry雪糕:基本上就是曲奇味雪糕加d酸酸地嘅紅莓醬，正常但冇咩驚喜，可試可不試。

Häagen-Dazs特別版opera雪糕：這個入面有好多層，有點像在吃蛋糕，幾好味！

Häagen-Dazs期間限定番薯雪糕三文治：真心覺得這個好特別，好多便利店都沒有這款（是太好賣還是根本沒進！？），味道出奇地好，好番薯，但偏甜（我好食得甜），最最推薦！！

如果呢幾隻都唔啱，可以食Häagen-Dazs strawberry milk雪糕批，超級好味之選，上次去日本食過，今次都仲見到，應該會長期出。。。

其他

其他嘢通常一開就食就冇咗所以都冇咩點影。。。

都是有蒟蒻的飲品，左邊那個orihiro是我飲過最好飲的同類型飲品（好飲過QOO），蒟蒻比較硬身同大塊，果汁味濃（都有可能係香精味），會唔會有人知香港邊度有得賣？？

右邊house牌子，本來覺得好似有出咖喱乜乜乜，總之係見過嘅牌子，以為有保障，點知是我飲過最難飲嘅。。。無論口感定味道都唔得，好似飲緊有渣洗潔精咁，絕對唔會有第二次！！

我本身以為左邊呢個都係蒟蒻，諗住森永都幾好，之後發現係yogurt，但這個味道其實不錯，比右邊的好喝~~

右邊Tropicana雜果汁，只飲到黑加侖子同蘋果嘅味道，有少少澀。

這三個真係神奇之作，好難得有一次買嘅所有嘢都好味。。。

左上是一個森永出的有cream的雞蛋布丁，見到好似係最好賣，食完覺得好合理，蛋味好濃又唔會好甜~~、

之前去日本有食過一隻好好味嘅杏仁豆腐，但又冇影相，一路想食返，今次揾返真係超開心~~其實杏仁豆腐唔係好多牌子出，這個係雪印出的，好香杏仁味同感覺上冇咁多魚膠粉，好得！！（森永出的杏仁豆腐就超級膠==）

glico出埋咖啡，但都幾好飲，會想試埋其他幾隻！！

朱古力+期間限定+布丁，仲要係識嘅牌子，基本上一定會中，朱古力好濃同布丁質地幾滑，冇失望！

我幾鐘意食依個牌子能量棒，香港都有得賣，綠茶味是第一次見，個人覺得比朱古力好食！！

又是雜果汁，呢隻香蕉味比較重，我唔係咁鐘意，但我家姐覺得好好飲，重encore。。。

綠茶（包裝幾靚）同栗子味朱古力正正常常；UHA提子味軟糖幾特別，口感真係幾似葡萄，個皮係硬d，然後裡面係軟心；另外兩隻幾麻麻，可以唔買。

好佩服自己竟然食咗咁多嘢同打咗咁多字。。。

謝謝觀看！！

有空可以like我的facebook~~~

歡迎找我合作試用、出席活動

Contact me: [email protected]

Beauty Exchange   Beauty Qooza    beautylife    Blogspot    Elle    fashon & Beauty    itrial   Pixnet   Qooza    she    theZtyle    Ubeauty    weshare