今日已經係星期五la,咁又一個禮拜..仲有大概3個星期就要返去la.
嗯~由尋日開始,我終於早左起身la,(改左10點起la...算係有進步架la,不過我遲d會變番正常時間起身既~)
今日都2月2號la,係時候有個新開始,所以我由尋日開始,朝早都睇一陣英文,之後做下功課,跟住夜晚睇下電視,算係有做過野咁.我仲打算遲d去剪頭髮,改變一下自己既形象,新既一年,要有新開始呀! →努力x n次
大年初一,好日也. 今日我都係去左阿婆屋企拜年,仲見到好多好耐無見既親戚,例如幾個表哥呀~表姐咁la~不是真係好開心呀~因為都見到我個family d人都大晒啦,最細果個都中一la,一家團圓,團團圓圓.
大年初一,祝大家身體健康,心想事成.
今日年廿九,我就同屋企人出左去行屯門年宵市場,好多人呀~而且仲落緊雨...不過都見到好多年花賣,講真呀~都幾靚架.仲有其他吹氣公仔+普通狗形公仔+一般過年擺設咁la,最後就係有好多"撈金魚"既攤擋.
好!等我留定個肚食團年飯先~
所謂年廿八,洗邋遢,今日我都有份幫手執屋、抺地、貼揮春,總之好忙..仲好累，不過今日主要都係等睇"謎情家族"大結局,真係好鐘意伍姑娘呀~~
就快過年,先同大家拜個早年,祝大家青春常註,身體健康,學業進步!恭喜!恭喜~
