今日，我同媽媽去咗可立中學註冊(唔係結婚)，我去到可立，等了一會兒，我會上禮堂排隊，然後拎一張好細嘅紙仔，去到「B處」等咗好耐，先到我們，D人講完D須知之後，我去咗搞學生証，之後填埋張表，去家教會的位置放低份表加三百蚊，然後買校服(三百蚊)，運動衫(二百五十蚊)，跟著先可以走。

P.S.計下我今日用咗幾多錢，然後留言啦，cm呀

今日係緊張嘅日子，因為今日派位啦，結果都冇失望，入到自己嘅心儀學校—可立中學。

阿sir佢一開始同我哋訓話，全入腦(好清楚)，then就講講張考pre-S1嘅通告，然後一個一個出去拎升中結果，「O咗嘴」，考到第一志願yeah，同某個同學同一間中學，希望同佢同班，有個照應。

Then就放學，返到屋企，D屋企人都替我高興。

今日係六年一次嘅畢業典禮，地點係慈雲山社區會堂。我喺4點九食咗個星洲炒米，飲埋杯熱「零」水。食飽飽之後就返學校集隊(仲未夠鐘)。同D同學傾咗一陣，就夠鐘啦，要集隊啦，返上課室啦！比阿sir睇過D衫褲之後，就落返操場再集隊，然後就乘車去慈雲山社區會堂，坐好之後就比家長進場啦！咁「織」係話第三十四屆的XXX小學畢業禮正式開始啦！

一個鐘••兩個鐘過去啦，做咗好多嘢，有話劇啦、有中樂啦、授憑啦等等。完成咗個畢業之後，因為沒有家長帶走的關係，所以要留底幫老師塔椅子。Then我同王XX一齊返屋企，佢返東頭村，我返lokfu。我返到屋企先仲涼，後食飯，之後就睡啦。