今日係屋企打完通頂
所以冇訓過
打到呀媽返
叫佢買左野俾我食
跟住又打返機
一打就打到老豆出門口
之後睇左keroro
冇幾耐
睡魔急call 去左訓
正好左"3"個鍾叫我起身睇電視
可惜都係叫唔醒我
一訓就訓到3點幾
之後食野 呢期食左好多次藥
都唔好 好痛呀喉嚨  光咳 頂
打日誌個陣 上左去睇milk個一個見到首再別康喬  叫 再別3x未仲好 係唔係先
搵日同你一切研究 假假我都係一個文科生
少少幾句詩會難到我咩
等我念下作咩先 下次post出黎

今日冇訓過
打機打到1點就去左沖涼
之後打多一陣就去左訓
10點幾起左身
睇個套女王的教室
好正 好有feel 軍國主義~哈哈
不過睇完冇幾耐就仆街
一咳就咳左d血出黎
死啦~點會咁架
之後咳個d都有血呀~天呀
唉...唔理得咁多
打機算.我就唔信會咳死我地
夜d煮野食或叫老豆買
完~

我愛的人不愛我 我不愛的人愛我~

今日訓得唔係好舒服
所以好早就醒左
刷完牙就睇電視
睇完就去左打機
打打下呀媽返買左手司俾我
一食就食左2盒
跟住又打機
打打下覺得眼訓
去左小睡
cat king 6:45分打左俾我
問我走得未
起左身冇幾耐衰枝打黎
之後去左沖涼同去廁所
7點4先出門口
去到ok 冇人
自己上左去
食食下呀強先到
食到未聲~嘉倫到左
食完去左送人撘車
跟住去左海旁坐吹下水
傾下細個玩咩睇咩
吹左好耐
milk話走先一齊走
同佢地行左返屋企
返到屋企睇電視同打日誌
睇睇下就咳左幾野
估唔到會咳埋鼻血
流左好耐先止到
個mood都有血= =
之後睇魔法神童~
夜d打機


你地班仆街唔好再講邊個啦 怕左你地 講夏美未算 (不過唔好屈我)
仲要搵返d咸豐期間既野出黎講呢
我唔嬲 但萬一真係傳到人地到就唔好啦
當我投降 放過我好嗎

今日係超早起身3點am 就起左身
訓左係張床睇電視
叫左痴心的我
睇完既感覺就係覺得愛情的變化實太變幻莫測
愛的盡頭就是恨綿綿
所以愛係信唔個 
搵唔到真愛就唔好訓身落去
廢事投入過大最後輸失慘重
睇完之後就去左刷牙
跟住就打ps2
8點幾呀哥先去訓
換言之 打電腦個位轉左係我
到我玩就更係上網check返d野啦
跟住就睇小說 同down香港版天外
9點幾呀媽就出左去
2點幾老豆返左黎搵張屋証
搵左好耐先搵到出黎
之後就出左去 呀哥都起身
冇幾耐跟左老豆開工
自己玩玩下電腦都覺得眼訓
所以去左小睡
訓訓下呀媽就返
但佢冇帶key so 叫醒左我
開完門訓過
8點幾起左身睇電視同食野
之後打下日誌 上網
夜d食藥...每日3次  一次6粒藥
食到傻... 呢排咳到仆街.喉嚨又痛.又出唔到聲
好辛苦呀 ~~~~
睇黎唔可以再狂打通頂 要節制一下= =
好返再博殺 你們要等我呀

今日冇訓過∼琴日打完通頂
返到屋企就睇下有咩食　
結果冇　
ｓｏ自己煮　
煮完就洗碗
洗完就打俾人問下有邊個返學　
之後沖涼返學　
跟住上左去２２９玩
等埋利健就上左去５２４
ｄ　人見到我好出奇咩　
文科就唔俾上黎聽既咩　
呢ｄ係我好學既表現
之後坐左一陣傾左一陣傾　
小休個陣去左２２９玩
冇幾耐就上返去　
上到去覺得好熱　去左開大ｄ　返黎個陣受到攻擊
唔使講都知啦　
不過冇理佢地　
返左埋位睇書　　
咩書可以有咁大魔力
當然係西史書啦　中史都得　
其他個ｄ就去死啦　
不知不覺就夠鍾　第一時間出左去　
因我想走動一下　
之後等埋人就走左
期間我地個曹長話展開攻擊ｓｏ　我去左行動　
當然啦　我一定任務成功啦　
ｔｈｅｎ返左去　２２９睇人玩２１點　
玩到錯晒　∼∼∼玩玩下有人入黎　冇錯就係呀ｓｉｒ　
之後同左呀ｓｉｒ頂　俾佢捉左我出去屌　
又話唔俾返　危險　頂佢　
佢一到講我一到笑．．．
佢走左　跟住入返去　
冇幾耐大家都走左　
跟住去左打機　
打左３個鍾　　中華ｄ機　真廢　
打完唔等返屋企　
好眼訓呀　３０個鍾冇訓
返到去
涼都冇沖就訓