中二就咁完左啦∼
今年真係過得好開心啊∼
全靠有一眾好朋友，真係想多謝好多人∼
要多謝糖糖啦∼
雖然系最近先熟，但係都好想多謝你∼
多謝你冇拉拉做左我地既媒人啦∼∼
多謝你陪我傾左咁多日MSN，仲一直為我指點迷津∼（雖然你自己都有好多迷津-，-）
希望你可以開心D同果斷D，想做咩就做啦，唔好咁猶豫啦！！！
要多謝強啦∼
多謝你成日陪我出去玩，帶比我好多快樂∼
成績上，可能都應該多謝你∼
有競爭先會有進步，你既努力會令我更有動力去努力∼（講緊唔係依家，依家緊系以XX為先啦）
今年你既脾氣好左好多，雖然都有D燥......
希望你可以繼續改變，唔好咁燥啦，成績再進步啦（最好進步到我追唔到啦），仲有勇敢D啦！！！要試過先知成唔成功架！
要多謝膠紙啦∼
多謝你一直系體育方面鼓勵我，令我有信心去努力∼
多謝你系我傷心既時候會安慰我∼
希望暑假你可以繼續鍛煉，下年再變成肌肉男∼∼
要多謝耶穌啦∼
多謝你成日同我傾心事，好多野都得你知∼∼
多謝你當初叫我入田徑，雖然好耐冇去，但係我一定會努力運動！！
希望你唔好咁憂鬱啦，開心D，咁先有人鍾意架！仲有，成績加下油啦！！！-3-
要多謝挽鞋啦∼
雖然你日日都系咁講變態野，但係算啦，你D變態gag有陣時都有帶給我歡樂∼
希望你唔好再照鏡啦！！！唔好再狂請假！！！重點系，唔好再搞某某人啦！！！
要多謝海綿啦∼
多謝你比我嘗試到做老師既滋味，雖然我完全唔識教，但係至少比我知道左做老師既辛苦∼
都多謝你比左唔少建議我∼
仲有，多謝你比我見識到咩叫萬人迷.......佩服佩服∼
希望你快D有令一半，繼續做你既萬人迷啦∼
要多謝文仔啦∼
多謝你個假想敵！
開學既時候狂拿你既畫串我......我肯畫畫有部分原因系因為你∼
希望你既畫工可以繼續進步，音樂都系∼
要多謝薯餅啦∼
雖然唔同班，但係都要多謝你之前陪我傾電話啦（雖然好少，而且打來都系冇咩講......）
希望你可以同班人做good friend，唔好鬧交啦∼最好就升上A班啦∼
最後一位就系重點啦∼
重點就系要多謝“她”啦！！！（知內幕既人應該知我講緊邊個啦∼唔知既請唔好睇！！！）
多謝你比左最多既歡樂我∼中二因為你先變得精彩∼
多謝你令我改變左好多，例如：懂得抑制自己既好奇心啦，名利心冇咁重左啦∼
多謝你令我上堂唔會覺得沉悶，上堂有野做啦，雖然好似有D變態，XD
多謝你令我體驗到好多個第一次∼明白左好多野∼
多謝你令我有動力畫畫，其實大部分原因都系因為你∼（幾時先可以完成我既最終目標啊......）
要多謝你既真係太多，後面既省略.......
原諒我的懶惰∼XD
希望你可以變得主動D啦！！！仲有同你既男朋友長長久久∼
終於打完了......以上感謝的人排名不分先後，系按學號既，除最後一位∼
中二過完，又要升中三啦！！！
大家加油啊！
希望大家可以永遠快快樂樂∼
會唔會有人感謝我呢？XD
|
