今朝11點幾先至起身,食完呀媽煮俾我食嘅意粉之後

就去睇埋一陣間Lunch要還嘅嗰D漫畫

睇都未睇完,話咁快就1點鐘,我之前約咗呀wing兩點去新都等

我要快D換衫喇,呀媽仲話我使唔使咁早換衫

我換完衫,搞完D頭髮之後已經1點踏9,要快D出門口呀!

落到樓下都已經就嚟兩點喇,我要行快幾步先得..........

唉!好彩趕得切咋,我好口渴呀,同呀wing去大鳥還完漫畫之後

就去隔離嗰間7-11買[思樂冰]飲,然後去龍豐行咗一陣

嗰班[友]狂喺度問我同呀wing買唔買書,買齊書未,好煩呀!!!

去到教會都只係踏8,仲有成20分鐘,行到入去,竟然見到Maibo個[二哥]!?

上到去,見到趙妹同埋王春X(唔識打...),我哋喺度傾計

之後我打俾呀琳,同佢講[二哥]嚟咗,傾咗一陣..........

我同呀wing喺樓梯講去camp嗰D嘢俾佢哋知,麥仲顯又喺度周圍走

團契嗰陣喺度玩[爭櫈仔],之後就搞生日週,原來趙妹喺8月生日架

我哋食咗好多嘢呀,葉俊X(唔知係邊個[婷])仲送咗D手信俾我哋(佢之前去馬來西亞買嘅)

之後我同呀wing就返屋企喇,個天仲落雨呀..........