今排真係懶左!!
考察完番黎果日我冇打日記
前日冇打,尋日都冇打,唉~~~~~

尋日去左唱K,由上午11點幾唱到下午4點,
勁多人去囉,有成19個咁多.........
差D逼爆間房,
切左生日蛋糕之後班人勁癲,
玩掟蛋糕,搞到D CREAM飛到周圍都係,
最白痴唔係呢樣,係佢地搞成咁仲要搵人黎清,搞地俾人地話囉
玩都玩得唔開心呀!!!!!!!!!!!!!!!!!

之後番左HOME打左一陣機,咁又夠鐘出去啦
明明約左7點半係公園等,點知我最早到,無奈.................................
之後仲要俾企鵝屈我等得唔耐煩..........
都係算啦,已經事過境遷,
佢地成班黎到之後就開始睇下有咩玩
一開始梗係搶螢光棒啦
我拎左四枝,有紅色、紫色、藍色同埋白色,
我好想要橙色,不過搶唔到=.=|||
佢地又買左好多野飲(仲買埋BEER黎TIM)
係咁飲下野,大家搶下對方嘅螢光棒咁又到左差唔多9點
我悶爆左,SO係咁話不如散啦
之後佢地又玩轉樽,人有三衰六旺,點知我果時係3衰度,無啦啦轉中我,我梗係急急腳走人
9點幾我就走左,番HOME打機,唔知佢地之後點

今日佢地又話出黎,成9點幾先出去,我又沖左涼,
唔多想出,
如果未沖又唔同咁話,
唔知佢地今日玩成點呢?
好想出去同佢地搶螢光攀呀=3=!!!!!!!!!!!!!

P.S 我考察果張大合照,係人地個網偷番黎>.<   雪雪唔好嬲呀!!!!!!!!!!!!!!!!!!!!!!!