今朝訓到７點半至起身...極速地用左３個字到就出門口 = ="

落到樓下等笠個陣撞到斌仔...所以就一齊行路...

落到巴士站...見架車就開..同斌仔諗住跑個陣..

架巴士就開左啦..頂!!~ 認真黑仔 = ="

之後就去排隊等小巴...等左好鬼耐...到左７點５２分先上車 =9="

落車個陣已經打左鈴鐘...ｄ人開始落緊黎排隊...

因為今日正常返啦!!其他form考完試路...

所以班門口狗又個個企哂係門口捉人...麻鬼煩的= ="

第一堂上commerce,,派卷...上次冇乜溫書..但都合格..

我諗除左commerce之外,,冇乜邊科唔溫書都會合格 =9="

跟住econ堂...又聽下書發下夢啦...

之後兩堂Eng堂又對WS啦...又係每個人講一個答案咁樣...

PA堂又教埋D好悶既野...悶鬼死..

跟住個堂Art就畫畫路...個稿爭兩棵白菜未畫 >^<""

執好哂d野就同阿yan上返6樓啦,,初初個時我走黎走去..

然之後就係班房睇碟路..佢地又跟住跳..笑鬼死..偉哥好犀利呀!!!haha

後尾miss fung嗌我幫佢係個簿櫃到搵野...

搵完就拎過A班俾佢啦,,之後又要搵多搭 =0="

搵到之後又拎多次過去...由E班行去A班足足行左兩次..攰死!!!

後尾就返班房溫中文路...又要小測 > <"

一路溫一路睇下佢地跳舞..又一路係咁俾麻煩的"馬焯賢"糟質!!! = ="

佢食緊D媽咪麵,,落完個D粉就將個袋仔掉落我張檯到...

整到成檯都係粉=9=" 之後諗住整返佢又唔夠佢大力..一D都唔著數!!

咁玩完咪返返張檯到溫書囉!!點不知個死仔又係到阻鬼住哂!!

當佢同屎昌知我好鬼憎聞媽咪麵D粉陣味之後...

兩個死人頭竟然想"質"我食...變態架!! = ="陰公...

好彩最後都冇俾佢地奸計得程!!哼哼!!

中文堂MISS一上到黎就派卷小測啦,,份卷入面有一題唔多識..但其他都ok

maths堂又做數...對住d maths簡直想死呀= ="

放左學就同阿yan & 曜仔落左新都...

曜仔去剪頭髮,,所以我就阿yan就周圍逛路...

首先去左睇相機,,之後就去左慧安買野吃路...

等左好鬼耐呢d餃子,,但係好好味喎,,食完好滿足!!ha

之後諗住上去買我深愛既芝士腸..點不知無貨..灰哂 =0="

跟住就拿拿臨去搵返曜仔啦,,佢好似等左我地好耐^^"ha

後尾再行多陣就走人路!!!等左3,4架車至有位..陰公!!

返到屋企都只不過係5點半only,,都仲係個個都未返黎 =_="

換左衫之後就睇電視..食完飯之後又睇電視,,之後沖涼..

沖涼就上左黎寫日記..當寫完日記就去覺覺豬!! 苦悶的生活..

今日都唔知做乜事...返到屋企之後無啦啦肚仔痛!!可憐 /_\"

而且每日返到屋企d心情自自然然會變得好down!! i hate!!

由始至終  只有你一位  難以代替