琴晚沖完涼吹埋頭即刻達落床到訓死左...

訓到今朝起身...阿媽問我野..我應佢個陣...

先發覺原來自己出唔到聲...陰公....

咁大個女都係第一次因為喉嚨唔舒服而搞到失聲...

要勁辛苦先同人講到野...但係聲就變哂...而且句句走哂音..超難聽..

結果今日我就盡量唔出聲講野...人地問我野我就做口形算啦...

做左一日啞人...感覺不太好受...想講野既時候講唔到...

好似表達唔到自己既意思咁...講唔到野既人原來係咁慘的...

今日跑左1500米..勁多人一齊落去跑~成個form既女仔都報哂...

要跑3個幾圈...有體育精神既我地梗係跑哂1500啦..呵呵..

雖然跑完之後暈陀陀...熱辣辣咁..不過好好玩haha~

之後都有跑4x100...跑到第4...d人勁到咁...有第4都算ok啦...

lunch食完野就去左條橋個到啦...比起上年~真係靚左好多...

同埋個陣咁大風...望住個海都幾舒服^^~

完哂d野成班人就留低影相啦...5E5E..haha~

勁多部相機..都唔知望邊部好呀..哈哈!!~

阿譚都話: 我覺得而家我好似明星呀ha

走人之後架792m勁多人..上唔到...

所以我地就過左隔離行下喇...又響到影相啦~~

係個公園水池入面有架船啵~我地3個好快速度咁跳上架船到影相ha~

影完即刻彈返落黎...唔係驚人鬧...而係驚我地3個會整爛架船ha^^"

搭車個陣同嘉瑜傾下計咁..傾到我勁辛苦...

第一次講野都講到咁辛苦...變態架..快鬼d好返啦!!哼...

返到屋企6點到啦...冇耐就食飯...

好鬼死攰呢....隻腳好似唔係自己咁.. =.="好鬼眼訓...