放左學就一大班人去左食野...

之後就係新都周圍行下睇下野咁...

到左夜晚９點幾就走人路...去尚德會合阿yan佢地...

係OK買完野之後就向我地既目標地點進發路...

行左勁耐先到喎...早知就搭的士啦haha^^"

去到之後原來已經有幾多人到左路...

仲係到玩緊遊戲等緊d未到既人添...

個到有個人勁似shine個果天佑呀..個個都係咁覺得haha

聽完d人講哂d遊戲規則就開始玩歷奇路...

間學校黑媽媽...d地方又勁大咁喎...

我就同方方阿臭同芝麻一組...

係間學校到周圍走....幾乎成間學校都走勻哂..

d班房都唔會開燈...d隱士又哩係d好秘密既地方...

真係小d眼力都發現唔到佢地呀...

我記得玩到12點幾個陣係仲玩緊...玩到幾點先完都唔記得左路...

不過好記得有一part遊戲要人飲醏囉> <"飲完之後個個都話慘...

我就勁肚痛..阿臭就想嘔...可憐

玩完歷奇之後呢...成班人就上左一間課室路...

後尾我地一大班人就係到玩...玩層層疊...啤牌...7級豬..etc..

玩到呢個３點幾就俾人趕返房路＞＜”

幾個女仔坐哂係間房ｄ檯上面...係到諗有咩好玩..

最衰佢又唔俾人係學校周圍走啦...> <"

後尾嘉瑜阿臭阿淫都訓左覺...

我~阿yan~方方 3個就係到玩飛行棋haha...

玩完之後就6個女仔就爬全地到傾下計...

我頂唔順...竟然訓著左喎^^"但個陣已經係5點半路..

初頭仲話要通頂添..點知竟然....哈哈

我訓到７點幾俾太陽伯伯嗌醒左我...勁曬=0="

訓左兩粒鐘起身之後...都依然係咁眼訓.. *0*""

同嘉瑜去換埋衫..我就落左樓下搵方方阿yan...

踏單車呀...好耐都冇踏過單車路///

好彩我仲識得點踏姐..呵呵..

阿yan又由唔識踏變到識...叻女呀haha~

8點半到呢..又成大班人返返同一間房唱下歌...傾下計之類咁...

影埋大合照之後就走人路...幾個人去左尚德到食早餐..

食完之後就返家路..個個都超眼訓..要返屋企覺覺豬haha

我返到屋企就11點幾路..

玩左陣電腦之後就去沖涼..沖完出黎已經點零鐘路...

吹乾頭睇左陣報紙...諗住訓覺既時候...

老豆要賭馬唔落去飲茶...所以阿媽就叫我陪佢落去飲茶..

難得阿媽放假..老豆又唔落..冇理由要佢自己一個落去飲茶家架..

所以我就唯有再換過衫..陪阿媽落去飲茶路..

不過個陣真係超眼訓...一路飲茶一路恰眼訓..都真係第一次=0="

飲完茶之後買完野就返屋企路...

擺好哂買返黎既野~換完衫之後就即刻衝入房訓覺...

真係勁眼訓...訓到6點幾就俾人嗌醒左啦...

都係訓左幾粒鐘咋.. /_\" 依然好眼訓呀wwuwuwu...

相信今晚會係屋企...邊到都唔去...要早d訓...

唔係一間聽日水運會會曬到暈低都似...haha

PS"" 咁大個女第一次夜晚~黑媽媽咁係間學校到周圍走...

琴晚同方方阿yan係走廊個陣...望住個天...

望住個月亮呆左一呆...個刻突然諗返起好多野..有少少感觸..

不過之後都冇事...原來我想喊既時候係可以忍到唔喊...

原來...我都可以..唔怕黑...