今日點幾鐘出到中環,去中環中心個到會合阿yan同阿鈞...

等埋阿Dee,食埋野之後就開工...

係中環勁難做囉,d人勁高竇,十個入面有九個半都唔會睬人,痴線架=.=""'

後尾決定返返尖咀做,跟司機車返去...

我,阿鈞,阿蓓坐車尾個貨櫃到囉!!初初個陣我地傾下計玩下...

後尾開始眼訓啦,3個人訓哂係地下囉...哈哈!!真係厲害!!!

開工個陣我同阿yan又好似尋日咁,見到兩個客就一齊sale...

今日仲夾過尋日囉,由頭到尾講既野都一模一樣..

所以呢,每當我同阿yan講完句野之後呢,好多客都會講：嘩..twins呀 =.="'

仲有,有樣勁好笑既事發生囉,笑到我地勁辛苦...話說呢..開緊工既時候,許冠文行過...

阿Dee玩野咁講：譚炳文呀...

阿鈞：e...係喎...

阿蓓：我仲以為係許冠文添...

阿蓓講完之後阿Dee就已經笑到pk...我同阿yan本應係另一邊企緊..見阿Dee笑到咁...

咪問佢發生咩事囉,當阿Dee講返俾我地聽之後,我同阿yan兩個一樣笑到pk..

而阿蓓初初仲get唔到發行咩事囉,仲話個人個樣咁似許冠文...

阿Dee跟住就話：個果根本就係許冠文啦...

結果...5條友笑左勁耐,笑到個肚勁痛囉..陰公..

9點鐘到收工,返上公司開會..9點幾走人...

同阿yan去左旺角,食完野等埋jeffrey..3個人就一齊搭車歸家了..

返到屋企11點幾...唔覺唔覺而家就黎2點路..係時候訓覺了...

PS"我同阿yan終於都知道阿Dee幾多歲喇!!真係估佢唔到囉...hahaha