今日唔使返工,,所以我就係屋企大覺訓..

訓餐飽,訓到12點幾先起身,正呀!!哈哈...

可能尋晚太攰既關係,我好似一覺訓到天光咁,冇醒過!!好耐未試過啦..

但唔知點解今日d心情勁差...個人好呆咁...

夜晚既時候係咁睇電視,睇完model,睇冰之驕子...

好啦,聽日返工,努力吧...

今朝9點幾起身,搞掂哂之後打俾阿yan,隻龜原來仲未起身=0="''所以我就係屋企hea左陣,,之後又落新都hea下,行行下見到阿培,同佢傾左陣,之後我又繼續周圍逛,後尾又見到方方,都傾左陣計..差唔多夠鐘既時候我就走去搭地鐵路..

今日要去佐敦,我同阿yan去到既時候個兩個同事仲未到=.="又話要我地最好12點半之前到,我地初初以為遲硬,趕頭趕命咁,點知我地12點3去到佢地都仲未到=9=" 之後我地去左個商場到睇下野咁,去到間賣精品既鋪頭, 米奇D野好多都好靚呀!!!有盞燈我勁鐘意!!不過好貴...仲睇中左隻米奇錶...超靚的!!!!!勁想買囉!!不過特價左都要$800..唔緊要..只要我俾心機做,開到單既話,咁就一定會買到!!加油吧...

今日3點鐘到就開始做野,都係開唔到單>^<""本應有個客俾我講到想買架啦,我個阿頭都過黎幫我sale..但個客聽到話要落訂就唔肯..唉..咁就冇左張單路,不過唔緊要啦..呢個係一個好開始...起碼我而家肯放膽去同一個唔識既人講野..sale野...努力努力!!!仲有,我地個阿頭都好好人,教左我地好多野,不過佢今日套西裝真係襯到好怪囉,著到好似d自由行咁,俾我地笑足成日!!哈哈哈..

我地放左工之後搵埋肥瑤,睇左陣野,再去旺角搵阿yan的家姐,不過佢姐姐後尾約左人,走左路..我地3個攰到死咁滯,我條腰痛到呢,想死=.="'之後我地去左公園hea左陣,抖夠先至去搵野食..食完飯再睇左陣野,見到盞燈同d遮都幾靚ha 返到屋企12點幾,攰到我想即刻灘落床就訓,但係成身笠痴痴,頂唔順=.="所以嗱嗱臨沖涼訓覺..不過訓既時候都成2點幾=.=""''

尋晚諗住早d訓,點知都係訓唔著囉...到左成3點幾4點先訓到=.=""今朝訓到9點幾10點就起身,,打電話俾隻龜嗌佢起身haha..人肉鬧鐘呢樣野...我好耐都冇做過路...搞掂哂d野就出門口..去將軍澳地鐵站搵阿yan...後尾係牛頭角等埋jeffrey...就一齊向呢個旺角進發...本應今日我同阿yan應該係去荃灣sale野既..不過後尾話個樣落雨,就去左旺角路...首先去左尖咀到練..練到個阿頭覺得我地ok就落下面試下...不過冇數囉今日=0="'''仲企到隻腳好攰添..唉..加油吧...阿媽同老豆係咁潑我冷水=.="激死我...哼...我唔會俾你地睇死!!!我一定會俾心機咁做!!!

放左工同阿yan去左旺角,,諗住咁耐冇見榴槤..想去搵下佢...去到既時候唔見佢,傾返電話先知原來佢冇做啦=0=""'之後就去新之城搵jeff,阿yan d fd,斌仔咁囉...到左9點幾我就走人啦 haha,唔想做...哈,,返到屋企都10點零鐘啦...好攰...成身痴立立,即刻走去沖涼先..沖完涼就吃飯,嘩..我已經成日冇乜食過野,係晏就個幾淡飯..同埋夜晚杯珍珠奶茶..但我竟然唔餓,仲一d胃口都冇=.=" 食左半碗飯都冇..悲哀的...

後尾就傾下電話呀,玩下icq咁...之後有條友無啦啦add我...問佢做乜add我,,佢竟然話[想屌你],問有無興趣又呢樣又個樣,都on9既,搞到我爆哂粗咁鬧佢,之後佢又話,傾下計,做下朋友先都得架姐,又問有冇興趣做model...咪玩啦..當我三歲妹妹仔呀,痴撚線的!!!當我係咩人呀!!!要玩d咁既野就過主啦,,咪撚煩我!!!