今年我要快""高""長大...

日日都開開心心...我要成日笑...

唔開心既野...唔記得哂!!~剩係記得開心既野^^

希望身邊既人個個都開心快樂

特別係...已經好耐冇再同你聯絡既"你"..

一定要幸福呀!!!

禮拜二一朝就起左身....因為要返鄉下..

大概點幾鐘到就返到深圳...之後姑丈開車黎接我地...

嘩!!!姑丈架車超級靚呀!!!個款同隻色都超靚!!!~坐到又勁舒服喎!!正^3^

搭左好耐車呀..搞到我搭車個陣都訓著左haha^^"

返到鄉下首先去左姑媽屋企到先!!~環境超級好!!!

坐左陣就去大舅父到,,好多表哥,,好多表嫂,,好多細路呀*0*"

成間屋都係人,,好熱鬧haha^^

食完飯之後就去細舅父到路,,表哥個兩個仔大左好多路!!~

記得上次返去,,佢細個果仔都仲未識得行...

但今次返到去,,佢已經周圍走,,周圍玩,,百厭到呢,,哈哈!!~

大個果仔就靜左好多,,唔知係咪耐冇見,,佢唔再好似以前咁成日痴住我玩啦/_\""

係細舅父到沖埋涼,,就上房睇電視!!~得閒就落樓玩下hoho..

表姐知道我地返左黎,,都特登帶佢個女黎見下我地^^..

佢個女都大左好多啦!!~上次見佢都係一個bb仔咋..而家已經好大個路..

我同表姐傾緊計個陣,,佢都係到呀,,仲眼仔碌碌咁望實我,,哈哈

睇埋凹凸容醫再過多陣就訓覺啦,,因為實在太攰啦..

不過呢..成晚都訓下醒下訓下醒下..唔係因為唔慣..

而係因為d人係到燒炮獎...嘩..訓訓下就噼嚦啪啦咁喎=_=""

搞到我都唔知醒過幾多次!!~結果呢..今日八點幾就起左身啦..

起左身就係到hea啦,,hea左陣就刷牙洗面換衫食飯..

抖左陣就陪老豆去大姑媽到路...表哥用電單車載我同老豆去..

嘩..坐電單車超舒服呀haha!!~好想嗌表哥佢地教我揸電單車..

橫掂鄉下個到,,只要識得d操作就得,,d人冇車牌都係咁揸車..

勇表哥就係一個例子,,佢仲未考到車牌,,都揸住姑丈架靚靚私家車載我地周圍去^^

不過坐佢車一d都唔驚,,因為姑丈一早教左佢揸車..

只不過因為之前去左英國讀書,,返左黎得個一年到,,仲未去考牌姐..

佢一定pass啦!!我100%sure呀!!~hahaha

去到大姑媽個到好悶呀,,d表哥個個都結哂婚..仔都有幾個啦..

我又唔識講客家話喎,,剩係識聽=_="所以就冇咩出聲..

搞到表哥講笑話,,我以前去香港你又係唔出聲,,今次你返到黎你都係唔講野喎=0="

個個都係話我,,好靜呀,,大個女好多路喎,,高過媽咪啦,,俾心機讀書呀etc..

坐左陣就返返細舅父到,,過左陣就執野..準備去大舅父到食完飯就返屋企..

去到個陣表嫂佢地仲煮緊飯,,所以d大人就係到傾計...

我呢..就同個bb仔玩...超可愛呀hahaha!!~

我抱住佢訓覺啦,,佢沖完涼個陣我又抱住佢同佢玩..

我對佢笑,,佢又會對返我笑喎!!~成個身軟棉棉咁架...勁得意..

聽講佢唔會俾生保人抱架,,又唔俾人坐住咁抱佢,,一定要企起身抱..

如果唔係就會喊..但我抱佢個陣冇喊啵wahaha^^v

一定係我太有愛心,,抱得佢太舒服啦,,呵呵...=9="唔知醜haha

後尾又上左天台啦...睇下佢地種菜既地方..上到去諗住望返落地下睇下有幾高..

一望..嘩..好高呀!!腳仔軟...見到冇野玩咪嗱嗱臨落返去囉..

點不知落個陣仲恐怖,,真係一步一驚心..^^"

落到去等姑丈黎到就車我地返姑媽到..到左5點幾就走人..

今次唔麻煩姑丈車我地返去啦,,因為出返深圳要成粒鐘=_="

結果就坐d旅遊巴..都幾舒服丫^^!!d人著哂制服..服務態度仲好過香港^^"

返到深圳7點路,,岩岩好搭左一粒鐘車...

之後就過關...搭火車...的士...8點零就返到屋企啦...

雖然鄉下d生活都唔錯,,不過始終都係自己屋企舒服d..哈哈!!

尋晚2點鐘先訓...訓到今朝8點幾就起左身=0="

之後又再訓過haha^^"仲發埋哂d莫名其妙既夢=^=""'

醒左一醒再訓返..個夢竟然可以接住咁發落去!!低能的...