有一個青年，工作已經５∼６年，重係一 事無成，有一日行到海邊望海，有一位老伯行近問青年咩事咁唔開心呀？青年就講晒ｄ唔如意事比老伯知，老伯聽完就執起一粒沙，然後放手掉回沙灘上並叫青年拾 回給佢，青年說：點執呀？全部都係沙∼老伯笑了一笑後拿出一粒珍珠，又放手掉到沙灘上叫青年拾回，青年說：呢粒就易得多啦，咁靚咁閃咁易認，係人都睇到啦 ∼老伯捉住青年說：你要明白你老闆唔賞識你，唔係他無眼光，而係你要令自己係咁多既沙入面，變成好似一粒珍珠咁耀眼，別人先會注意到你，到時別人就會好似 對珍珠咁對你愛不釋手啦，青年人苦笑一下，好像笑著天意弄人一樣．．．．．

今日又去左覆診，如雷貫耳一樣既消息進入腦海，現在有３處骨折 出現，其中一處係同２年前左手一樣情況，隨時好唔返，粒骨只有少少痴住，手腕位血液流動唔夠，影響身陳代謝，如果係一段時間內埋唔返口，骨就會枯死，到時 就做手術都難求，因為太細了，我聽到時感覺好灰，好大沖擊，點解又黎架．．．我諗左成日，我決定左一件事，我決定放下我的白鞋了．．．我實在好怕呢種傷， 呢種消息，呢一種無助既感覺，當時我在想咩事會咁？幾時又整親？點先好得返？做咩先有幫助？無答案，而醫生越叻就講野越識保護自己，專業意見＝保守垃圾。 我唔似呀業咁傷左幾年都傷住踢，我唔似奶華咁傷晒到重踢，我更唔似呀老咁手術又手術後都重要踢，我唔似呀涂咁斷左腳都照踢，我可能真係無大家咁中意足球， 我唔夠大家咁專業．．．我諗左好耐，但我都係會揀我既生活而放棄足球，係我心入面點解要爭扎咁耐，係因為我徐左唔捨得足球，重好似放低埋友情一樣，對唔住 身邊既朋友，辜負天上既兄弟，我夠膽講，睇得呢到既都係兄弟，姊妹，我唔要求大家諒解我感受，但我希望係兄弟既就接受我既決定．．．我都唔會後悔，因為我 同大家係球場上充實過，滿足過，行過高高低低既路，我正式退出三烈．．．

願　各”舊”隊友百戰百勝，身體健康