自從你離開左我，每次有咩活動亦會想起你，「如果你都有黎幾好呢」「如果你係到可能會無咁悶」「如果你係到會有多一點玩意」，但通通都只係如果，我明白你唔會返黎我既身邊．．．

讀書時我去踢波，記得你經常都係坐上客。你講過既說話我記得唔多，有一句是刻骨銘心到以家，可能係讚美吧．．．「咁多人踢波我最中意睇呀程踢波，佢對眼好有鬥心，真係會吸引住人。」當時我只係從遠處不經意咁聽到，但影響我對足球既熱誠正正係呢句說話．．．

我因為表現唔好，技術唔好，曾經多次諗過唔踢波，但呢句說話令我掉下足球場上既自卑，堅持到以家。從呢個過程中，我亦發現支持我既唔只你，重有一班一齊踢波既老死。雖然無左你我總覺得傷感，但我仍希望帶住你呢句說話同呢班人一直踢波落去到老，因為咁樣會令我諗起你．．．