今日 一家人加埋爸爸ge同事們
搭船出海釣墨魚
係尖沙咀碼頭大~~集合
見到爸爸ge同事 有小小的不知所措
之後見到某人的兩個兒子
第一眼ge感覺係---佢係咪傻架...?!=口="
可能係誇左d
不過當你見到佢ge打扮 我諗你應該都會俾佢嚇親
青色背心 深色短褲 最最最amazing ge係佢隻手
上面戴住 (我諗大概有20隻) 早排興過一陣ge膠手帶
嘩 都幾耐無乜見人戴過喇 今日居然一次過係一個人身上見到
仲要係有d污糟 外加有幾條纏住一齊
真係 真係 真係有夠嚇人的
最慘ge係佢ge性格
中二仔仲要扮勁 懶晒野咁話 : D form1仔唔得架 成個細路咁 似讀小學law
我心諗...你最多咪大佢地一年咁多
仲要扮熟咁問我 : 你地會考完law呵 d數學好易呀 有d中一二都識答la 聽講有成30幾分都係 我去考都得la
先生 math ge野 就一定係考基礎架la 總有一d 係中一二都學過架la 死充>b<'''
咁叻你唔去考 一科得到30幾分夠用黎做咩?
除左呢d 佢仲要懶係識多野咁同d大人撘訕...|||||b
佢個細佬都幾好笑 六年級 又真心咁超崇拜佢阿哥又唔認
另外仲有一個妹妹 都係六年級 超~~任性
不斷咁話自己阿媽 又唔想無人注意佢咁做出一d事 話佢佢又唔聽 d大人(包括我爸)就明串佢
不過我覺得佢其實係想其他人多d留意佢姐 我覺得...
上船之後食左一d野就上左船頂玩(d野好好食架 個阿姨勁好人 有機會約埋d fds去一次就好喇)
d風好舒服 個天色都唔錯 影左幾幅相 (相後補<--我懶=__=+)
講番釣墨魚
印象中我釣過係第3次 前兩次ge收獲係--------0 =..=""
不過今次可以話係 大有進步呀!!! 成功咁 釣到一中一小2條咁多呀~~~~~~!^^
算多架喇 聽聞成船釣得最多o個個係3 or 4條 勁呀~!
不過釣釣下 有件可怕ge事發生左...
唔知邊架衰船 "排毒" d垃圾跟XX(有人說看到)就順住水流飄晒過黎我地個邊
嚇到我地丫==''
好彩後黎飄走晒姐 不過那"弟弟"成功咁釣到沖過來的繩子一條~勁!!
釣到個d墨魚都全部俾個阿姨整晒做食物俾d人食晒lu 成30幾條都有呀我諗
我就無食到 唔鐘意海鮮d腥味=__=
回程 坐左係船頂 吹住風咁聽埋最後一集ge架勢堂 正 再影左d相
唔知點解影到好似火燭咁...|||b
下星期變做1516架勢王(00:00am-02:00am) 唔知有無架勢堂咁架勢呢~
大期待中-__-'''
| 
角落樂園
[ 
