今日同一堆5E的女同學去了~海水公園
一行13人
我 Wistant Clara Candy Bernice WinWin Nat Wing Yin Yan Man Table Ling
嘩 好多人呀~~13/19 成績算是不錯吧~(笑)
原本Sindy 同 Ruby都去架 溝通問題 無所謂la~下次再約
碼頭組 約左8:00am於巴士站等
前一晚可以話無訓過 無"訓過龍" 不過遲左少少出門口 好趕咁跑過去
8:00am正到達 點知！跑到巴士站居然無人！
嚇死我喇...>.<''' 我沒有遲吧......
急急地打給秋秋 接通左 但係喂極都無人應...淨係聽到秋秋同Clara傾計
Cla : 我都諗過xx呀 但係又驚無人x...(x係聽唔清楚)
秋 : 我都係呀 不過我著短褲會好似板仔架...
...XD
望下鐘 8:05喇...企係車站到等 還給後面的先生麻煩了...=__='''
好彩終於見到文思到左 嚇得我丫
再等多陣 終於齊人喇 上車 無乜位...有2個位 同2+1個位 蠻遠的
原本諗住同秋同Clara坐3個位 點知秋秋搶先說了 : 咁我同Clara坐呢度la(指2個位)
我 : ...  (最後文思同Wing坐 我1個坐附近)
車上 呀呀 果然係文思同Wing有好多野講而我乜都唔知 望下秋同Cla呢~連影也看不見...
算la 聽收音機 "扮"訓(笑) 途中司機急剎車 Wing差d就碌左去車頭~笑死 
到站 早左15分鐘wor居然
同秋秋一齊去搵早餐食 食左份$8ge蛋治~幾好味wor又~仲差d唔記得俾錢...
食完番去 Clara同秋秋去toilet d人齊晒都未番 多次估計佢地係迷路了還是掛住影個廁所...etc
上車 13個女仔霸左成個下層車尾 到Clara坐中間那高危位 無嚇死佢但係笑死左我地
一去到就好行咁係後門(山上入口)影大•合•照~(笑)
入去 第一樣就去玩滑浪飛船 勁呀 連玩兩次~兩次我都係坐頭位 玩到條褲and袋濕晒...
影相 一次超級奇怪(Clara變了無頭鬼~~XD) 第二次成功擺出 半個V...
YinYan最勁 連pose都靚過人 Cla玩完居然發燒??(沒事吧)
之後個個濕濕地去玩越礦飛車 有一半人以上唔敢玩~(我笑我笑~) 玩完還是濕濕的...仲好好笑咁一齊跳起影左一幅~
之後行過海賓長廊 見到隻好懶好懶咁攤係石度ge海獅(還是海狗甚麼的...?)
一致決定唔坐那摩天塔 太悶了嘛 一路行
玩左飛天鞦韆 我自己就玩過好多次(笑) 其他人大多居然係第一次??? 我有影低相跟片段啊~
wistant同clara偉大地為攪氣氛居然係度嗌?? 其實真係幾好玩架~(是說 排隊的時候 前面的女仔背上有條蟲
後面就有5個外國人(鬼?!)以上 還滿靚仔靚女的~
玩左摩天輪 影左幾幅頭髮亂飛的相
玩海盜船 我一個坐最後 其他人分佈不同位置 我再影~`
玩飛鷹 Clara玩到差d暈
過山車 有d人抖下唔玩 我就同其他人玩 我唔係好驚 不過個頭不斷咁撞落個頸qoo度...=__='''
見到d攤位d獎品係Keroro軍曹一行人ge公仔呀~好得意(又影)
之後諗住食lunch 分兩批人 一批霸位一批去買
食M記 發現居然有珍寶裝汽水 比加大更大杯 想盡辦法去減錢 但係我居然買錯了clara的包...
食完就去左睇海洋劇場 有四人組伯伯(?)演唱助興 谷到塊面紅晒仲要玩人~
個天好熱同濕...個身好痴...但係個show好正~d水好藍(是咸水?)~d海豚同海獅同訓練員都好正~
之後去左鯊魚館同水母館~鯊魚館唔錯 係小d姐~
水母館都幾好 要排隊 見到(自由行)大叔ge(扮)型表演XD
入到去冷氣好正~入面好黑 有好多水母 然後原來有人唔知海蜇=水母
見到15/16中的炒蛋水母同太平洋xx水母~影相影相 跟著發現有人發現唔到某d牆係鏡而撞左落去~
之後分頭去玩 我同Table Wistant Clara同Nat玩多左次鞦韆同兩次(還是3次?)海盜船 玩到驚都唔驚lu~~
集合番之後就搭纜車落番去山下 入左機鋪不過無玩到
先玩左超~動感影院 正~好好玩呀~~~ 下次去都要再玩~
見到d大公仔人(看見也覺得很熱很累 辛苦大家了!!) 埋去影相 Table等人再次施以毒打~~
Yin Yan先走了...
然後就去左兒童王國玩~
睇左威威劇場~好笑 個訓練員連觀眾都訓練埋
阿momantum撞跌左一個好得意ge小鬼仔...
玩左旋轉木馬 好耐無玩過 影相影相~~
然後睇左一下青蛙跳樓機同小海獅~好得意啊~~仲發現野貓一只
然後又睇左雀鳥劇場~d鷹鵡好靚啊~仲識得飛過來拿你的錢同擺pose影相~=0=''
個訓練員把聲...好QQ耶~~(<--喂喂!人家是男的)
(先去洗手間結集一下)睇完就走lu
搭番車出去  我突然變成放債人...:p
不過神智不清地把錢都計亂了...  希望無收多/少了吧...
原本諗住食埋飯先走 不過有d人要番屋企食 最後由於金鐘一落車即刻有要坐的車到達 所以告吹了
上到車 太累了 訓左...
一覺醒來就到左屯門lu
好攰 相後補 就醬~
p.s. Bernice--你的SD咭忘了換回來 下次再給你~~ | 
角落樂園
[ 