02/08/08

返完教會...去左葵廣行...

行行下聽到一把熟悉既聲音...

對!!!我見到佢...穿著橙色恤衫...同緊佢細佬一齊...

唔知點解好自然既反應就係迴避...我都唔知點解...

但見唔到佢之後又想搵下佢去左邊...

最後...考慮左好耐先打電話俾佢...因為佢好耐冇打過俾我...我亦唔係佢邊個...

佢當我...可能只係一位最普通既朋友...普通到佢覺得好悶但又冇人陪到佢...佢先會打俾我...但我冇得介意

因為我心裡面仲有佢既存在...但佢冇...一d都冇...

電話打通...同佢傾左2句就收線...就這樣...

能偶然見到佢...過得好...我已經好開心...

03/08/08

呀公入醫院...媽媽個肋骨有增生點...

突然覺得...我自己唔夠關心我既屋企人...

同ling傾到零晨3點....傾左好多野...講起夢...

我發夢夢見佢...夢境裡面既我...可以表現得一d都唔愛佢...就算佢吻我...我仍然可以好冷靜...

e個夢...係我好渴望還是好恐懼....我真係唔知道...亦唔想再諗...

04/08/08

今日會考放榜...我堂哥得11分...

到依家我都唔知佢搵唔搵到學校收佢重讀...

替佢擔心...亦為自己擔心...怕自己出年冇14分...

擔心中......

今日睇左一個人既qooza...

知道佢帶左人返教會...

好開心...佢返教會有伴lu~~當然我都好希望o個個人繼續返啦^^''

希望聽日開開心心吧....

ps:１）不要視任何事情是理所當然，因此要感恩．．．

　  ２）為我所擁有的感謝天父^^''