| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
|
| 2005 年 1 月 14 日 星期五 |
 | |
| 我唔捨得你呀><" |
今日係一個好開心...但係又唔開心既日子lor~
第一個好消息就連我自己都唔係咁相信.....就係我地理小測,全班最高分lor~19/20 今日我同佢勁係到傾計呀~我諗真係我地係開學到依家傾得最多既一次lor~好開心呀!!!!!^3^ 今日英文口試呀~我都唔係咁識....佢琴日先比個張紙我地溫...都唔夠時間啦~(不過我都唔溫架啦~)哈哈~ 英文兩堂我地都係係到傾計~但係唔知點解阿蚊好似唔係咁開心咁既~佢都好少同我地傾..我地唔同佢傾既話...佢都唔會理我地~><" 跟住,我地唔知邊個係到講手紋個d野....之後我地就係到睇手lu~哈哈....我地玩左好耐喇~^^" 勁係到捉住人地隻手~又係到睇我地上一世識唔識...^^" 我同左好多人玩呀~我都唔知可唔可信既~玩下姐...冇乜野既~^^" 我同左好多人玩呀.....有鵬,蚊,家姐,miss曹,文,何超.......好多好多~^^" 之後maths...勁無奈...做左40條mc~但係好難咁既><"
一個鍾..我都唔知做左幾耐...我又唔知佢仲有幾耐wo~~個個都係係到訓覺...都唔係做左好耐~莫偉鴻仲要話好易呀~都唔知佢咩人黎牒?佢又唔係個好叻wo~! 唔通我廢左? 算吧啦我~^^"
今日8點有個家長會呀~咁我同家姐都冇走到,,,係到玩~周會完左果陣...我去左拎釘鞋...點知我又冇袋wo~拎住周圍走><" 金花唔知做咩話我地冇交功課呀~我又要拎住上去6樓做功課....不過..我都唔知要做咩~我淨係知有好多人都冇做到~我覺得係佢既問題啦~^^" 做果陣...go佢地又唔知做乜野~係到扮q哂野咁...又唔理我地wo~我咪唔出聲lor~等佢地自己走~一個字講哂~"頂" 唔知佢想點...好嬲呀搞到我!!!! 咩心態呀? 佢地走左之後我同家姐,思嘉3個人係到做功課lor~ 以為會好d啦....點知咪又係咁~d人做完就唔理我地啦....自己走左lor~一個字"嬲" 我同左家姐上課室玩..p係到呀~開心死了^^" 佢地係到睇d恐怖野呀><" 好驚呀!!何超仲要係到笑lor~(傻的)" 我驚到捉住左文~佢又冇乜反應lor~我咪冇理到繼續捉lor~^^" 好恐怖呀><""" 家姐仲要係到睇!!><" 果個人好慘呀~佢唔知係唔係炒車...個頭爆左><" 跟住miss鍾黎左...我地無奈地咁熄電腦~係到諗下玩咩咁lor~我記得果陣鵬話過想試下係學校玩"省盲雞"架~但係佢又唔講出黎wo~咁我咪講出黎lor~佢玩呀~既心死了~^^" 但係好多人出出入入呀~煩左好耐先玩得~第一局係家姐做呀!!好得意呀!^^" 佢捉左一陣就捉左鵬lu~ 我地冇用哂成個課室呀~因為大得滯,,,但係都幾好玩既~睇住鵬係到捉..唔知點解好想做...但係又唔知點先可以比佢捉到又冇人知wo~我真係做左呀...比佢捉到我隻手~我都唔知開心好定唔開心好~ 我比佢地話我係忍者lor~我好快咁捉到家姐喇~哈哈...又係佢做!!!佢好似捉到ying呀~佢又捉到唔知邊個....到何超做果陣~我諗住同佢講d野...但係佢好似...錫到我-0-" 算吧啦~ 我捉到文呀...佢又唔知捉到邊個了~跟住....miss lam睇到我地係到玩...叫左我地訓企-0-" 話佢係上面睇到人地班係係到溫書...睇我地係係到玩~ 佢又係唔知邊班收左mp3...佢又收左劉果部~
到左家長會喇....我都唔知點好~中四有4呀~要走就得果46個人~我唔知我會唔會係其中一個呢?話就話我得姐...但係我都係驚~忍唔住咁...................我又唔知佢會讀咩科wo~但係我係唔可以coz佢而讀我唔鍾意個d架?咁我咪冇問到佢lor~點知家姐又問佢wo~~佢話佢讀文呀!!!唔岩我的~^^"
我同左家姐去搵何超...問佢知唔知佢錫到我~佢話冇wo~咁算啦...知黎都冇用啦~^^" 行到出門口見到123呀..同佢講左婕句野咁lor~講真丫..佢知唔知我係邊個都係一個問題~哈~^^" 佢企左係到唔知想點~-0-:" 咁我咪等埋p佢地一齊坐巴士lor~ 睇住p....有個好唔捨得既感覺~喊了><" 係到諗緊...點解要有人走呀? 個個都留係到咪好lor~睇住佢想上架72個陣...我好唔開心呀~我喊左出黎...但係佢冇上到...佢行返黎,我好開心呀~可惜....佢上左架73a喇~我又一次睇住佢走...佢有同我講88呀~但係咁樣令到我仲唔捨得佢~我好想攬住佢...我唔知佢介唔介意...但係我知就算佢唔介意....佢隔離果d一定唔係咁諗lor~~!! 阿蚊行到黎喇...我攬住左阿蚊喊><" 個感覺好好呀攬住佢果陣...但係邊個會知我睇住佢走果陣..我個心有幾難受呀?
--------------------------------------------------------------------------------------------------------
後記：
我唔知我仲可以對到佢幾耐....我只會好好咁珍惜我同佢既每分每秒~><"
|
| 刊登時間︰2005-08-05 05:24 PM [ 編輯日誌 ] [ 分享至FACEBOOK ] |
|
