放左四個月暑假，終於，又係到左開學既日子了，

其實，早係上個星期一已經開學了，

返左學一個星期，淨係開始覺得日日都好忙，

今個學期好奇怪，D堂迫晒係星期一同星期四，

由朝早八點半上到夜晚七點，橫跨十個半小時，

上一堂Break一堂咁，

有好多人都話好羡慕我淨係返星期一同四，

但係我想講，全部迫埋晒係同一日上真係好辛苦嫁，

最後一堂係下就五點半既物理堂，

講真我真係無心機再聽落去，

因為又肚餓又攰，

仲要係佢係度講返Ｄ中學時期學過既物理，

但係用英文版，我成個人簡直唔想上，

如果唔係因為我轉唔返去化學堂，

我真係唔想物理。

大學生活終於來到了第三年，

已經完成左二分之一，仲有二分之一，

睇落好似好長咁，其實淨係得返兩年咋，

兩年對於依家呢個年紀既我，

真係眨下眼就過左啦，

諗住啱啱入澳大都好似係琴日發生既事，

仲好記得第一次上大學的課，

第一次assignment做到喊，

第一次mid term中伏，

第一次final溫到死，

第一次做報告留係澳大到凌晨一點，

係澳大拍片拍到十二點。

剪過無數既片 (其實係兩次...

仲有選科，add/drop呢Ｄ大學先有既野，

感覺真係岩啱發生咁。

呢個學期係我地係氹仔校區既最後半年，

突然有Ｄ唔搶得添。

其實我覺得搬去橫琴有好有唔好，

但係我淨係想畢業戈陣，

仲可以係氹仔校區度影返張畢業相留念，

因為真係有好多回憶係呢度。