放左假一日,估唔到一放假就傷風感冒,不過今日好了不少,兩點前,同我媽搞緊網上預約,幫我同我家姐既回鄉證續期!!
兩點後,約左葉銘俊,幫佢找D野玩,幫佢消磨時間,但怕佢悶,所以想約埋陳瑞存,黃諾謙一齊玩,
但黃諾謙call唔到佢,唯有找陳瑞存玩,但佢同李志恆一齊,諗住踩單車,憑著我三吋不爛之舌,終於叫到佢地,
本來想話去冒險樂園,結果去左打桌球,再去踩單車,最後去打邊爐,
打完桌球之後,葉銘俊有事走,我地去左美樂租單車,一直踩,一直踩,一直踩去元朗,
真係好,平時得我一個踩去元朗,so lonely,今次終於唔曬一個自己踩啦!!
但有個壞處,就係回程的時候,個個踩到腳都殘,所以全部人兩個一組,我地坐左三架的士,
分別由洪水橋,藍地,同兆康搭的士返美樂還車,
而有兩架車,我俾錢,總共俾左百幾蚊,好彩带左三舊水,
但去到打邊爐,真係貴囉!!!
我地去到龍翔酒家打邊爐,每位98蚊,陳瑞存本來話想走,我地每人夾錢請佢食,但又係我俾大部分,帯左三百蚊,一日用曬!!慘!!
呢輪真係要慳D駛,零用錢經已冇咩!!
|
