好耐冇寫過,今日唔知點解咁有興趣寫番blog,呢排唔知點解超冇精神上堂,做功課,返補習......可能已經習慣左,毫無新意,遲D又要考試,又要比賽,唔知應唔應付到呢?不過係學校都有樣野值得我去認真既..
就係計數啦!!!因為計數唔曬煩咁多,按住算式計算,可以考考自己既算術,每條題目都值得探究,我就好似將數學融入左我生活裡面,無論係邊堂,一到小息或lunch,甚至放學,我都為左數學唔捨得走,但唔知係咪
我在學校用腦用得多得濟,返到屋企,同一個懶人冇分別,因為係屋企,我只係想自己休息下,但好似每個星期都好似DVD機咁,replay又replay,好悶!!
在屋企,呢輪天氣熱到長期開住冷氣,春天既感覺已經不再現,每日唯一放鬆自己既時間通常都係在晚上,希望快D放悠長既暑期啦......不過好似聽我屋企人講暑期可能去一去旅行,話放鬆自己,其實......以我
立場睇,我覺得去旅行唔係一個放鬆自己既活動,因為每次旅行都要煩點行,又要照顧我公公婆婆,又要供自己玩樂,真係左右為難!!所以我認為真正放鬆自己既唯一方法,就係夏眠,無憂無慮!!!
加上,可以煩少好多野!!!唉......!!!
|
