3/6/2011 星期五 考數,唔知點解我發現今次D數好似好易計,但完全發揮唔到,好似一個人未爆發佢既潛能一樣!!係今次數學考試,我發現左一樣野,原來我一計數,就24小時係個腦裡面一定要不停計數,萬一有
刻讓自己個腦停左落黎唔計數,我係會真的完全放鬆,甚至睡著...
4/6/2011 星期六 補習,由1300-1600,專補中史同英文,今次應該抄硬,中史又冇話要背邊,英文又唔係好好,救命..!!
5/6/2011 星期日,同我屋企人去屯門市中心行街....行街??gag左!!唔記得同佢地講我考緊試喎...算!!反正出黎係有事先出,我屋企人好奇怪,試都未開始考,就諗定暑假去邊到旅行...最終我地報左一個短程既
旅行團,至於去邊......我都唔係好記得好清楚,其實每次我屋企人報旅行團,我都唔記得去過邊,因為實在太短,猶如發左一場夢咁......聽我屋企人講呢度去過啦..個度去過啦...我每次係度諗---幾時去過,不過啦,
去邊我都無所謂,因為去完此終都要返返自己屋企....跟住我地去睇寬頻,皆因我同我家姐每次上網都一定搞到網絡大擠塞,其實我好唔明白一樣野,點解我地屋企淨係得一個伺服器?最囧既係,呢個伺服器要支
援我地屋企四部電腦,所以藉著依家屋企既寬頻就到期,睇下有咩啱既寬頻,我地諗住用光纖入屋,快好多,不過就唔知用咩原理上網,好奇怪,我屋企人,甚至我公公婆婆,都當左我係IT維修員,每次有咩電器壞,都
一定call我...可能屋企人冇我咁清楚電子產品啦....因為成個屋企得我間房最多電子產品材料....電視機...電腦...DVD機...電子軟件..好多好多,藏左係唔知邊度,簡直係一個電器庫....!!
突然間,係我腦海裡面浮現一個回憶,係之前,好多人都發覺我擦黑板既速度好快,係剛剛我洗完碗,返黎打返呢blog既時候,令我自己都發覺,我呢輪真係做咩野都快左,打字既速度,洗碗既速度,講既既速度,甚
至跑步路都快左,係我潛意識裡面,只係出現一個字----快...!可能好想放暑假,所以想每日都希望快D完,但就係呢一個字,令我錯過左好多機會,搞到依家想停番一下都唔得,慘......!
♫難得我竟這麼死心塌地 都可把感情摧毀
你的突然離開 管我力竭與聲嘶 還是極攻於心計
請把安撫放低 儘管來拿走一切
傷得我這樣徹底 只好當踩不死的螞蟻♫
|
