今日可算是艱苦既一日...8:20左右返學校收番少少野錢,因為我搞學生會動用左唔少書簿費既資金,但收番黎AA制錢係唔齊,我阿媽又未出糧,搞到我今日十分狼狽..!!幸好我班都有D俠義之士既幫助,我終
於夠錢買書啦!!不過我發現左-----我買漏左本Chem書呀!!!!!後黎,我阿媽打俾我,問我戶口號碼幾多號...佢終於發覺...佢仲未出糧俾我同我家姐.....!!-.- 算啦!!如非必要,我都唔問我阿媽攞錢....因為我平時都夠錢
洗...!!就算唔用錢都得...!!(除左今次書簿費單野緊急想出糧之外)
講到呢個書簿費,我左借右借...走上走落...,超辛苦!!係我等緊呢班俠義之士出現既時候,兩次見到[L]在我面前出現,一次係入學校買書,當時佢同Yuki傾緊野,冇留意Hoey同佢say hi....第二次係佢攞住兩袋書
回家,臨走既時候,佢好奇地問我點解企係校門外,又唔入,又唔出....我唯有如實答佢---等緊一D俠義之士,佢竟然問我...點解唔問佢借....因為佢帶左$300旁身...更無奈既係,個$300借左俾人囉!!我心灰左一陣....
但後來都係算啦!!問女仔借錢始終於禮不合,更唔想欠佢甚麼,最後唯有靠我D人情牌,左借$50,右借$50填數...好彩我黃昏時候,我阿爸出左糧俾我,我諗明天都夠還錢有多....
晚上同我屋企人食飯....如同平常...但我食完一出門口...,看見[L]係門口同我say hi,我回頭睇番,原來佢同其他人一樣,等緊位坐....望住佢等待位置既眼神,唔忍心佢企係度等位,真的好想入番餐廳同佢講,
剛剛我同我屋企人食完個度冇人坐,可以過去坐住先,但後來想想,佢既事,我不可以再咁關心吧!!結果我忍著無奈走了......!!!!
要是你想知我對情愛有幾灰
隨時能講幾個晚上 記錄痛苦的歌夠開演唱會
一生的愛人留低的再會 合計亦有幾千分貝
最初我不過想 分一個安慰獎
誰能料到失戀竟捧了杯
|
