今日係星期四啦，
 照正常道理應該係每個星期四都有同學去田藝園...
 而雖然今日並唔應該係我去，
 但係聽到Ms.張話要去收田...
 仲要咁岩今日係"小希希"去當值，
 咁佢就問我、"Milk"、"痴筋"去唔去一齊收...
 咁我地都話想去，
 但係其實我本身就約左Ms.劉去留堂的，
 但係咁岩係放學個陣陣見到"娃娃"...
 咁我搵完Ms.劉佢叫我等通知再留堂，
 咁我就同"娃娃"一齊去田藝園搵佢地...
 因為佢地三個已經早我地一步去左收田...
 咁我一去到佢地已經摘緊d菜落黎...
 我手套都冇拎去左玩啦...
 我見到"小希希"真係笑死...
 係到摘完d菜冇人有手幫佢手拎，
 我又冇手套，
 d菜又有泥，
 咁"小希希"見我又冇手套又唔想拎就唔洗我拎，
 但係由於"Milk"同"痴筋"佢地隻手ge容量真係十分有限，
 係"痴筋"接上第三粒菜個陣，
 已經有一粒菜不幸罹難，
 碌左落去個泥到，
 情況慘不忍睹...
 咁我咁冇良心又點會幫手拎xD
 之後我地拎左個殺袋裝晒D菜...
 咁我地玩左陣蝌蚪就去左拎菜返學校啦...
 因為袋菜實在太重啦...
 我地三個女仔都唔想拎...
 之後咁"小希希"就拎左啦...
 我地四個慢步行返學校...
 咁途中見到一塊木板...
 "小希希"將袋菜縛係個板上面慢慢拉返去...
 途人一見到我地就望過黎，
 之後"小希希"話...
 "做咩我成日都要做埋晒d引人注目ge事呢？"...
 之後行行下...
 塊板係我地不知不覺中甩左...
 笑到我地三個女仔傻...
 之後"小希希"入返塊木板又行啦...
 之後行到去學校附近個輕鐵站...
 事實終於證明...
 野...係唔可以用木板墊住拉的...
 因為我地行到個陣...
 個狗袋已經爛到穿左個洞仲要黑晒...
 "小希希"反轉左個袋縛返好...
 又拉啦~_~
 之後行行下...
 發現個狗袋真係唔得啦...
 終於掉左塊木板自己用手拎...
 因為已經離校不離了...
 我幫佢拎左陣...
 但係佢又話累...
 我幫佢拎又唔洗= =
 之後比完Ms張返去...
 真係笑死人的木板=]