我發現我ge生活真係日日都係一個人咁過~真係好悶呀~

基本上我已經同一個電車男冇咩分別~放工番黎唔係睇動漫就打機~

連搵朋友去行街都冇動力~因為次次同老豆講 要出去一陣(去郵局寄野,收信,交收果d)~佢都會話:快d番黎 我要出去整機

想行陣都唔得~有時遲左收工一番到黎~佢會話: 你食埋盒飯幫我出深水bo拎野,太晏我出唔到呀

比士多老闆虐待完番黎又比老豆虐待..次次塔西鐵出去都訓到唔知醒~塔到去南昌又要行去深水bo,

行到黃金又要拎一大車野 行番去南昌,又成日冇位座,企到黎朗屏果車野先無命!

點解西鐵上就整電梯 落唔整咖! 成咖車仔又moom又機又牛 ~要成車自己行樓梯抬落去= =收買人命咩

我真係好想番屋企訓下覺z.z~日日都冇咩精神成隻死狗咁~

好黑人增!士多有個知d唔知d ge阿叔問我:你日日都係咁座係到冇做其他野咖?

我: 係呀!我日日都好得閒咖~係到座完咪番老公到幫下手咁囉~

佢: 哦~不過你番去都係玩下電腦咖姐~做咩唔搵下其他工做呀?

之後又唔知佢問咩~勁多問題咁

又問:做咩唔去拍下拖呀?

我: 冇拖拍喎!不過都唔關你事啦!

佢: 你咁唔得咖喎~呢個年紀一定去拍下拖先得咖~唔係燒下一年 燒下一年就老咖啦

我: 係呀-.-你都睇得幾公式化喎~乜有話幾多歲就要拍拖咖咩?我覺得自己17歲唔係好老姐~重燒得下喎~

(心唸:你就真係冇得燒啦~30到尾都冇老婆冇女朋友~x你呀)

人樣衰冇罪ge~不過冇人鐘意姐~唉~拍拖......我記得每次都比人話我樣衰/你個樣好唔掂~心灰了~

我仲記得有某人叫我不如去整容~我想講 人都有自專咖!樣衰有罪咩?唔到比你話囉!