今日係十月三十號星期六,唔知點解呢排會咁忙呢?聽日又要開工啦

今個十月比較特別忙,因為我呢個職位係吃力不討好,次次都要攞啲勁重

嘅原料,又要專人跟進一啲好少事情,我都唔知點解我嘅職位會有咁多野要

跟進呢?

今日係九月廿三號星期四,終於過左中秋節啦,聽日又要番工啦

呢排唔知點解會咁黑仔呢?一係無車返屋企,一係做野都會損手或者損腳

講起無車呢件事真係黑開有條路啦,今次係同一個月之內第二次等唔到

接駁506!第一次就要等到7點後先有車,尋晚都要六點九後先有車

506成日都係搭三或者搭四嗰陣時會滿座嘅,好離譜啦!

今日係九月五號星期日!最近呢一排星期六都會加班,最主要嘅工作係點貨同幫啲包裝員

執野呀,所以都變左好似返全日嘅時間咁啦,唔知點解呢一排打籃球嘅時候對眼會好痛,唔知

係唔係俾個太陽曬到隻眼咁!

今日係八月7號星期六啦,呢一排好少打呢個啦,因為我最近玩左新浪微博但係就唔會

唔係呢度打日記嘅,因為我都要熟習微博呢樣野啦,呢個都會一直打落去,講番呢一排嘅

野啦,都係無咩特別咁,但係我開始會有更多不同嘅角色出現啦,我係講我份工嘅工作範疇

會有所不同啦,唔單只要搬野之餘仲要幫手做記錄啦,之後都係會以咁嘅形式做野啦,但係

唔好嘅問題已經不斷出現啦,而家都係處於適應階段!

今日係7月17號星期六,呢排我嘅心情同而家嘅天氣都係反覆無常

點解咁講呢,就從我過左廿三歲生日後開始啦,因為呢一排唔知係唔係

有一啲陰影係到,我講嘅野係無啦啦比一個暗戀嘅女仔告左兩次,我成日心

諗我係唔係黑開有條路啦,其實兩件事前後只有幾個月嘅事情啦,我唔知係唔係

有咩同佢唔啱呢?佢成日都同佢個主管告狀講完就向我講發生咩事!