|
好難得阿美上網
成晚同佢傾左好耐~~
衣~~~~真係衰ga jen~~~哈哈
之後俾上個笑話吸引住!!!
太白痴喇~~~~哈哈
but 屋企人訓哂,又唔可以笑得太大聲wo...
有d 辛苦呢.....
但都是開心的
麥兜: 唔該, 我要一個常餐丫!
麥太: 常餐?! 常餐有咩食架?
伙計: 同特餐一樣囉.
麥太: 咁特餐係咩黎架?
伙計: 同快餐咁上下囉.
麥太: 咁快餐係咩黎架?
伙計: 車~ 快餐咪即係午餐...
麥太: 午餐食咩架?
伙計: 午餐同晚餐一樣架
麥太: 咁晚餐又食d咩呀?
伙計: 晚餐咪即係常餐囉..
麥太: 咁呀, 我要兩個常餐啦~
伙計: 好野呀~~ 我地今日d常餐...
伙計: 唔好意思, 常餐賣晒播.
麥兜: 唔.... 咁改要特餐丫
麥太: 特餐? 特餐有咩食架?
伙計: 特餐咪即係午餐囉..
麥太: 午餐食乜野架?
伙計: 都係晚餐果d野囉..
麥太: 咁乜野係晚餐呀?
伙計: 同快餐一樣囉.
麥太: 咁快餐食咩架?
伙計: 唉快餐咪即係常餐囉...
麥太: 咁你頭先又話冇常餐~?
伙計: 係呀, 常餐係賣晒呀, 咁你試唔試下特餐丫?
麥太: 兩份特餐啦!
伙計: 唔好意思, 特餐賣晒播.
麥兜: 唔... 媽媽, 不如改快餐丫~
麥太: 快餐有咩架~?
伙計: 快餐即係常餐~~
麥太: 咁常餐有咩架~?
伙計: 常餐咪即係午餐囉..
麥太: 唉呀咁午餐有咩食呀?
伙計: 午餐同晚餐一樣格.
麥太: 咁晚餐呢~?
伙計: 晚餐咪即係特餐囉~
麥太: 車, 咁你頭先又話冇特餐?
係呀, 特餐係賣晒呀, 咁你試唔試下個快餐丫一樣既姐~~
麥太: 咁兩份快餐喇!
伙計: 唔好意思冇快餐喇~
麥太: 離唔離譜d呀? 咁你地究竟有d咩餐呀?
伙計: 午餐啦~ 午餐好野呀.
麥太: 點好野法呀??
伙計: 同晚餐一樣咁好野.
麥太: 咁晚餐又點好野法呀?
伙計: 同常餐一樣咁好野囉
麥太: 咁常餐又點好野法呀?
伙計: 常餐?! 常餐一早賣晒啦, 你話好唔好野丫?
麥太: 好啦好啦! 要兩份午餐啦!!
伙計: 唔好思意, 午餐賣晒, 試唔試下我地個晚餐丫一樣既姐..
麥太: 日光日白食乜鬼野晚餐呀?!
伙計: 唉, 個名叫晚餐姐, 其實咪即係午餐
麥太: 好啦好啦怕左你啦, 要兩份晚餐呀快d手呀.
伙計: 想快?! 想快就要快餐啦..
(post from nakata diary)
其實有一個網仲攪笑呀~~
係d 笑話片黎ga~~~
其中有一段又係麥兜叫野食
嘩~~~真係足足笑左我成個下午
稔下又笑,稔下又笑~~~~哈~~~
等我問番我細佬個網址,再post 出黎俾你地睇丫
不過真係會笑到肚痛的~~哈哈
ps: 我失望....因為........我都唔知
呢一刻感覺有d 特別......
|
今晚是......失望+歡笑的 
刊登時間︰2005-11-15 01:01 AM
[ 
