|
今早媽媽收到電話,番左大陸出席舅父的喪禮
我因為明天要考oral ,所以都係陪唔到佢番呢
前幾日都不斷咁聽到親戚們為左舅父的死而嘈大交
唔知而家又點呢??
其實我都真係唔係好明~~
一個係你老公,一個係你阿爸
點解連老公同阿爸的神主牌都唔要,骨灰o固d 更加唔使講
錢!!!樣樣都係錢!!!點解舅母你會咁貪錢~
我真係到而家先看清你地係幾咁無良心
而表姐我都對你好失望...
唔通你真係唔怕你第時生個仔,個仔都唔要你咩?
好難怪我之前會為舅父的死而感到不幸
我稔如果佢系天見到,都應該感到痛心吧
早上就陪媽媽飲茶就各有各的方向
她有她的出發,我就去自修室
今日自修室無咩人wo~~
今次坐我隔離的,都唔係一個美男子,是肥男子~~哈哈
佢做UE paper C wo~@@"唔知中6 定中7 呢
但見佢做就真係辛苦...佢做5分鐘都唔知有無,就嘆一嘆氣
好似好辛苦咁wo~~~哈哈哈
最攪笑的係,佢做得兩做,竟然拎左本類似聖經的物體出左去
唔通做英文做到要搵耶穌傾訴?!!@o@
整體今日溫書進度都唔錯~~
但都訓著左一次~~~嘰嘰^_~"
但就成個下午都無食過野...
唔好以為我係勤力而唔食,其實我係懶得去買,又唔知食乜好
哈哈~~~不過今日迷人眼睛都有黎自修室wo~~^^
走o固時都忍唔住系心同佢講拜拜同加油呀~~嘰嘰
今次見證到,如果離開個位太耐真係會俾人趕走的
原來會先出警告紙放系台,過左成15分鐘有多都唔番黎的話...
哈哈~~~勁喇~~~不知幾好服務
系會有專人幫你執野的!!幫你所有野搬走~~
唔知o固個人番黎見到無哂d 野,會有咩反應呢~~
可惜睇唔到丫~~~
溫左成日,番屋企o固時真係好辛苦呢....
累!!
|
自修室 
刊登時間︰2007-01-31 11:36 PM
[ 
