|
今日起左身,幫阿媽做完要做的事....
稔左好耐都唔知食乜.....屋企又唔多覺有d 咩食...
於是去左屋企附近o固間買米線食
好耐無試過買外賣番家食了
希望著住拖鞋,tee+短褲的我,無俾人誤會我係送外賣的阿姐吧~~
講番個米線...真係好難食!!!!
話要竹笙,但搵粒都無......呃錢!!!
從未試過食野,係食左兩啖就飽哂....但...唔可以浪費的!!
orz.....一路食....一路忍唔住..."好難食...好難食..."
一個人食野已經慘...仲要食左間黑店!!!妖!!!!
餓死都唔會再去食!!!!
琴日hea 左一日....
星期一回歸hk
回程選擇左搭旅遊巴由廣州去羅湖...
系車上,我做左一樣驚人的天大事情
我都服左自己的勇氣!!呢個將會成為我人生其中一個秘密!!
希望我地媽媽會同我守秘密!!
今次番去,都買左幾多野...有一半都係買俾我細佬的
我呢個家姐都算有心喇吧~~~
原先我仲想買多樣野ga....可惜...心意難測也
今日番去都算OK 開心的~
但因為我唔識路的關係,出街就要舅母帶路陪我
但其實我知個個都各有各忙
佢地都忙緊準備自己的新屋裝修
我都有去參觀呀~~真係幾靚
但如果我係佢地,由一齊住變為分幾小口家,各有各,我會唔慣lo
一齊住點都開心d ,熱鬧d 吧~~
不過....無辦法....
好遺憾...今次應該係最後一次踏入呢間屋
3月佢就要由4層大屋變成沙石.....最心痛的,應該係我婆婆吧
走的前一晚,獨自企系3樓路台.....我發現我唔捨得呢間有咁多回憶的家
希望系我年老的時候,我都會記得呢個地方
一番到黎,晚上仲收到個意想不到的電話
放下了........再想又有何意思
想太多,只會自討煩惱~而家的我已經不想再想下去了....
可能我就是這樣自私,我希望我只是一把牛油小刀
俾幾張相你地睇下吧~~
佢係我個傻傻表妹子啊~~(就黎4歲)講野真係超可愛,完全係童言童語,超可愛的~~>v<*
其實原先佢著左條裙ga....可以個衰妹整污穢左,,...得番對有"辮辮"的"水鞋"
呢個勁喇~~搭廣州mtr影的,我地hk就買票搭,廣州原來係買幣的
呢個幣入閘原理同8達通一樣,但出閘就好似入錢咁...勁特別!!!@@"
唔係我表妹教我示範我睇,我都真係唔識....=.='不過可惡的佢,竟然玩我!!同我講入閘"bi"完要反一反手...點知原來唔使的!!!真係樣衰呀~~~變左一等一自由行tim.....=.="
其他d 相,包括同婆婆慶祝的大壽就遲d 先upload 上相book 吧~~~
至於拍左o固條片......哈哈~~~唔系度公開了~
| 
回歸 
刊登時間︰2008-01-09 02:56 PM
[ 
