|
第一次的北上工幹,可能一直睇得太多電視,成日都以為工幹係一件好輕鬆的事,但.....事實原來唔係....
怒氣1:
星期四放左工,就即刻趕去9龍站搭直通車,行緊去o固時,我真係唔跳我去緊邊....仲要行得勁快,去到先知原來搭7點半班車...=.="咁又使鬼行咁快咩!大佬!!!到左都係得個等字...攪到我地要連跑帶跳咁跟住黑面神!!
怒氣2:
去到酒店(寶安--都之都大酒店),我真係估唔到我的晚餐會咁特別!!成世人咁耐,我都未試過咁樣的食法!!o固時已經係晚上9點幾放好野,我地就上老闆房,見到廳中有一個紙皮箱,心稔...大佬唔係咁慳下fa....食飯盒....=.="個個扮哂野望住電視,其實個個已經餓到7彩
等黑臉女人傾完個電話,終於話食得野!!驚喜就出現了...
第一袋拎出黎的...係雞!
第二袋也是雞!!!
第三袋都係雞!!!!!!!!!
第四袋更是雞!!!!!!!!!!!!!!!!!!!!!
我地一共9個人,就一共係9隻雞!! 仲要原隻上!!!米都無一粒...食o固一刻,我真係覺得自己好樣衰!!我地個個都已經勁餓,圍住張台坐系個地下度,成個野人猿人餓狼咁斯雞黎食雖然黑臉人都係咁樣食,我都唔知o固隻雞可能有幾出名但...我總覺自己有種可憐的感覺!!
食完老闆之後都番到酒店,佢係叫外賣的...@@"
之後番自己房沖完涼,同左同房的蔣小姐傾左兩句,就過去搵埋peggy 佢地,去男仔房o固邊傾計,廢事隔牆有隻耳,系房中,有我地6個新人,最開心的都係呢個時刻~著短褲的男仔們,竟然成為我地取笑對象~~哈哈
怒氣3:
第二天,正式做stock take(我負責cm2--虎門--xx電子廠)黑仔的我o固份竟然要周圍走...差唔多行哂成間廠,而且仲要淋雨,又要入勁嘈的機器房,帶我o固個女人好似仲路痴過我
我問佢 : 我地之前係咪行過呢度ga喇?
我竟然仲好輕鬆咁同我講 : 係呀.
大佬呀~~點解岩岩經過唔take 埋,又要行多次!!>"<!
怒氣4:
上午做完野,3個番番酒店上左老闆房等食,因為其他同事仲塞緊車,所以老闆就話我地食先
心稔 : 同老闆一齊食,應該唔會差得去邊掛...點知!!!呢餐lunch 又真係太過特別過頭!!老闆系電話度...完全無問過我地要食d 咩就即刻講左....田雞粥,薑蔥田雞,白卓粉腸...聽到呢度...我都差d 一度暈低...眼都凸埋 唔使玩咁激下fa...
等到成兩點半有多...終於有野食了...幸好碗野無手手腳腳田雞皮o固d,唔係我真係死俾佢睇!!因為太餓的關係,迫住食左脾o固幾舊同d 粥,其他o固d真係食唔落.. ...////真係一餐比一餐精彩!!!......
怒氣5:
原本搭4點o固班車番香港,因為水浸又塞車,滯留...o固度仲要超多變態佬!!我都唔明點解系厠所門口會有椅俾人坐!!!d 死變態人地去厠所,佢地仲叉埋條咁望入黎!!低能!!
番到9龍站都就黎9點了,難得地搵到間m記,我地6個薯仔苗又終於可以好好享受一下了
番到屋企都已經係12點,...呢份咩工黎ga~~不過今次之旅,都睇到好多野,好精景的一句,＜xxx遇著脂粉客＞!(突然唔記得)
而且我仲發現原來...有薯仔苗口不對心,想俾人寵幸呢@@"相反...我暫時喜歡平靜地做番我的薯仔苗,自然生長
月尾的stock take...我有經驗了!!餅是必備的!!今次因為第一次,唔敢影相,好可惜!
|
北上工幹 
刊登時間︰2008-06-07 02:17 PM
[ 
