2008年10月19日                      天氣:晴

        今年初二我又係做班長.....不過d工作同last year唔同左.....我變左要做登記欠交忘帶個位....比起去年....今年我做ge嘢算少左...其實都唔錯呀!!做得好輕松....吳生好多嘢都叫霍詩盷做.....

       我做哩個有好有唔好啦.....不過都冇乜問題ge(我坐係後面個陣)......但係而家就有好大問題了....我同霍詩盷都被吳生調左去前面第2個位到坐....oh天啊.....話咩會方便我地做嘢.....我唔覺得呀....去左前面有好嘢都做唔到.....

      就好似前幾日咁.....好多人欠交....我登記當然要耐d架啦.....而且我登記完仲要比欠交個d人簽番個名....咁第1堂就係呀Miss劉上國文堂.....佢好快lo...未打鐘就來到門口....打左鐘吳生都未走佢就入左來....仲要一入來就要吟.....叫人收埋其他嘢.....個陣我諗住寫埋化學個幾個就收....況且我差一兩就寫完化學欠交個d.....佢冇啦啦就行過來鬧我....話我咩先生入到來...你仲唔收埋其他嘢.....尊唔尊重先生呀.....嗚....我都收架啦....我超委屈....晨早留留就冇澄澄比人鬧.....真無奈-_______-"當時我超嬲.....又唔搞唔清楚我做緊d乜嘢....就來鬧我...唉....之後我當然超唔爽咁上佢堂....佢又係奇怪ge.....自己鬧完人又去氹番人....我都唔知好嬲定好笑.....

     第2日.....又有人欠交......我登記完啦.....去叫個人簽番個名(佢坐好後)....好啦我要番埋位個陣呀Miss劉入來啦.....要敬禮咁我梗係唔行住....諗住敬完禮先番埋位坐.....點知個劉生又話你做乜去到後面....點解成日攞住哩張紙.....我即刻話要登記欠交....佢好似覺得嬲錯我咁....又話你地唔好成日欠交....唔駛佢(指我)做咁多嘢....成日騰來騰去.....

    對於Miss劉哩一系列ge行為....我真係冇嘢好講.....唯有歎息一聲.....