今日小靜又賴床唔起生了8:00am喇女快d起生啦(((((

叮左點心比佢食小靜話辣唔食後來比餅乾佢食了一半就冇食

佢話:媽咪我而家唔肚餓呀!!返到學校我食茶點就得架喇.....真係俾佢笑死

臨出門口時8:30am佢又話要去大便,點知又冇料到

出了門上了小巴才記得冇帶書包出門口好在未離開站

我就立即叫司機停車開門返home攞書包

靜靜仲問我: 媽咪咩事要落車呀?? 我等佢: 我冇拎書包出門口呀!

返到學校都係8:50am 冇遲到係門口望住佢除左鞋仔行入課室我就走了

放學了靜靜排住隊見到我係門口等佢好開心咁仲聽唔到吳老師叫自己個名添呀

之後吳老師就好大聲再呀(((((柏靜你仲唔出來......於是小靜就好快行出來

其實唔怪得小靜因為佢今日排隊係排最後(可能佢穿鞋慢所以今日排尾隊)

d小朋友又嘈聽唔到都唔出奇,我反而覺得吳老師d語氣好惡死(同我一樣)

行路返home的時候我正發覺小靜穿錯了鞋左右不分.....

教極佢都係穿錯,返到home食飽luch做功課係ok

but填色就要花多少少時間正可以完成

同佢沖完涼2:30pm 就開始訓晏覺