由上星期六8/11天氣轉冷開始小靜就有d傷風咳
還記得7/11星期五見家長我地見9:20am,早左10分鐘到學校但等左成粒鐘正對話
而陳老師同佢傾左唔夠5分鐘我就走,因為對哩位k2班主任好陌生而且後面重有好多家長等緊
我同小靜又未食早餐都係快快口口你個女............哦哦哦.......唔唔唔........好好好......係呀......ok bye bye
總括來講老師覺得小靜學習係冇問題,但係就唔主動舉手答問題好靜.....
小靜哩幾日向我投訢俾人蝦,不過佢次次都會話俾老師聽,老師都會處理但有時又冇理
真係越來越覺佢似男仔,今日d天氣唔算太冷小靜話要著襪褲喎,因為佢話著左襪褲好d好多同學都著
媽咪你唔好叫我呀女啦,以後呀我做仔仔好無呀 <~~我想做男仔呀 ......哈哈哈
至於寫字方面小靜學寫生字了例如:早上,姐姐,妹妹,哥哥,桌子,數字1-10,英文Aa-Oo
大至上佢都好比心機寫知道寫得唔好都會比我擦左佢,因為佢都好鍾意老師蓋3個印印o係自己功課薄
昨日放學去學琴小靜ok過了F 一關 了,跟住再學埋G手指尾,嘩!!!MISS譚真係教得快對小靜好有信心
一教就教3個練習俾小靜學又一次考驗佢喇 ,老師話下堂左右可以學彈吓幾首歌仔先之後再繼續學彈左手
叫小靜叻叻俾心機彈呀!!
今日陪佢去練琴有個練習要連音彈話佢幾句就小鬼氣想 .....
其實小靜都算有耐性因為佢每次差不多要練一個鐘我正俾佢走
見佢唔想彈又咳多左都係走喇,1:30pm買左個排骨飯搭車返home了
|
